uMthunywa
Yintatheli kaMthunywa
KULANDELA ukuphenduka kwenkezo yeNetOne kubikwa abahlawulela lumncintiswano bafuna umdlalo wokucina, (i-final), ubeseMagumeni.
Inkezo yeNetOne izabhoda phose izwe lonke kunkundla ezingakaze zidlalelwe ngamathimu akuPSL lokhe zakhiwayo.
Inhlanganiso yePSL ibika ukuba imidlalo yenkezo le izadlalelwa enkundleni zamadolobho athi iGweru (Ascot Stadium), iTriangle (Gibbo Stadium), iMutare (Sakubva Stadium).
Amaqembu angena kulumncintiswano kulisizini yilawo aqeda isizini edluleyo ekunombolo yesitshiyagalombili kusiya phezulu.
Imidlalo yonke iqala mhlaka 28 kulinyanga.
Umfakazi oseduzane labahlawuleli utshele iphephandaba likazulu ukuba abakhokheli benkampani sebeke bakhuluma ngokuletha i-final yalonyaka kontuthu ngoba idolobho leHarare selibambe imincintiswano eminengi.
UKennedy Ndebele umaqhuzu wePSL uveze ukuba baphezulu kokukhulumisana leNetOne ukuthi bavumele ibhanga labo likholele ekuthini inkezo yabo igcwale inkundla zonke.
“Sonke siyazi ukuthi yonke imidlalo okuthiwa mikhulu idlalelwa eHarare kodwa thina njengePSL sikholelwa ukuthi inguqu ngumdlalo womuntu wonke kungakhathalekile ukuthi uhlala ngaphi. Ngakho sifuna ukuhambisa umdlalo ebantwini.”
NgoLwesithathu uJohn Nyashanu, isikhulu seNetOne uthumele uMthuywa umbiko wokuthi ngeke watsho okunengi ngokuqoqwa kwe-final ngoba basaxoxisana lenhlanganiso eqhuba iligi yePremier Soccer League.