uMthunywa
AMAPHOLISA elizweni leRussia abophe owesifazana emethesa icala lokubulala umntwana ongaba leminyaka ephakathi kwemithathu lemine kulandela ukutholakala ethwele ikhanda leli.
Inina leli okucatshangelwa ukuba beligcina usane lolu, kubikwa liqale labulala umntwana lo andubana litshise indlu yangakibo.
I-CCTV itshengise imifanekiso yowesifazana ehamba esitaladeni esiduzane lesilindweni ephethe ikhanda leli.
Kubikwa kulepholisa elamisayo andubana balwisane okwesikhatshana laze lawela phansi.
Kumbiko okhitshwe yiMoscow Investigative Committee kubikwa umetheswacala uhanjiswe lapho okugcinwa khona ababulawa ngumkhuhlane wengqondo ukuze kuyedingisiswa kuzwisiswe isizatho sezenzo zakhe.
Umetheswacala uvezwe njengoGyulchekhra Bobokulova, ovela eSoviet Republic of Uzbekistan. — Ubulembu
