uMthunywa
KULENINA elileminyaka engu-48 leKlipton eSoweto eseliveze ukuba lithwaliswe nzima ngutikoloshi osenze njalo izithembiso ezimangalisayo.
“Nyakenye wangithembisa ukungithengela imota yomhlobo we-Golf GTI entsha, indlu kanye le R100 000 yokuzikholisela nje.
Kodwa uthi kalandaba lendlu, imota kumbe layo imali.
“Ijaha lami selangala njalo lami sengidiniwe ngokuya emacansini lomuntu engingamthandiyo,” kutsho inina leli.
Uthe uhlupho lolu lwaqala ngomnyaka ka2014 ngesikhathi ephupha ehlatshwa ezibunu.
Ngezwa ubuhlungu ngalobobusuku ngavuka ekuseni ngezwa ubuhlungu,” utsho njalo.
Uthe kusukela mhlalokho ubona indoda emfitshane athi ngutikoloshe, omlandela yonke indawo ayakhona.
“Kangilakuthula loba imfihlo. Loba ngingaze ngenzeni ngiyayibona indoda le emfitshane, ngingaze ngigade umtshova ngisiya edolobheni uyangibona nomakanjani,” utsho kanje.
“Utikoloshe lo uyenelisa ngitsho lokulayitha amalayithi kumbe ukucitsha. Nguye osekhokhela impilo yami.”
Ngenhloso yokubalekela indoda le emfitshane wabaleka endlini yakhe eKliptown waya eCape Town ngo-2015 — isimanga yikuthi wananzelela ukuthi angabaleka kodwa ngeke acatshele indoda le ekhaliphileyo.
“Utikoloshe lo wangilandela njalo yikho lapho engananzelela khona ukuthi wangifaka umtshina wokungilandela ezibunu. Uthe wavakatshela isangoma esagcizelela ukuthi ngiyasetshenziswa.
“Utikoloshe lo uyanginyenyela endlini yami yokulala angihlukuluze emacansini, kungakho ngidinga uncedo.
Kangiyidingi indoda le empilweni yami.”
Uthe ubona angathi izibunu yizo ezibangela ukuchitheka kwempilo yakhe.
Noma angaze aqonde ngaphi ngeke ambalekele utikoloshi lo.
Uthe uyamlandela yonke indawo ngoba ulomtshina omtshengisa ukuthi ungaphi.
