uMthunywa
Khulu
Umkami uyaphuza ukubuya ngekhaya
UNJANI Khulu? Ngidinga usizo oluvela kuwe. Ngingumama oleminyaka engu-23 yokuzalwa. Ngendile njalo silengane eyodwa. Uhlupho lwami Khulu yikuthi umkami kanathi tshwala kodwa uyaphuza ukubuya ngekhaya.
Kwezinye insuku ufika endlini ngehola lika-1 ekuseni angangitsheli ukuthi ubengaphi. Ngenzeni Khulu ngoba sengifisa lokubuyela ngakithi.
Impendulo
Mzukulu ngiyazi ukuthi isenzo somkakho lesi sikwephula umoya mpela kodwa okwakuqala okumele ukwenze yikuhlala phansi uhluzisise ukuba kungabe kuyini okuninela umkakho khatshana ube usuhlala laye phansi uzame ukumbuzisisa ukuthi kungani engafuni ukuchitha isikhathi lawe. Kungakho-ke, hluzisisa udaba lolu kulokuba uthwale imikhono ekhanda. Asikafiki isikhathi sokubaleka emkulwini, mela intuthu njengomama, uhluzisise isimo, njalo lixoxe ngakho lejaha lakho lize libonisane iqiniso lonke elingeyama kulo.
Indlala yocansi iyangibulala
Khulu indlala iyangibulala bengicela ukubuza ukuthi ucansi nxa litshadile lihlala lonke lonkosikazi linikana kangaki ngeviki? Owami umfazi ungipha once a week. Indlala iyangibulala ngizacina ngitshontsha ngaphandle ngoba mina ngifuna phose nsukuzonke. Ngicina sengisebenzisa isandla ngitshadile.
Impendulo
Nxa kuthiwa isilisa siyehluleka emacansini kumele sikhombise kathathu ngobusuku lokho okuthiwa kanye ngeviki ngamanga lawo. Phela ucansi mzukulu yindlela esayiphiwa nguNkulunkulu yokuzijabulisa kwabatshadileyo. Kutsho ukuthi ulechithamuzi emzimbeni wakhe. Yikho uyawubone abantu nxa besanda kuthatha, kuyimfanelo kube lommeli, umhambi wendlela yomthandano wabo ukuze laba ababili bethule izehlakalo zenjabulo yabo kuye.
Ngiyaqinisa ngithi abantu kababuyele emasikweni nxa bethathana badinge umhambi wendlela yothando lwabo, usodombo, yiwo umehluko wokudonsa lokudonselana endlini yenu. Nxa sekunzima kuyaswelakala umuntu wokuthuma edabeni lolu. Asizonhloni ukubikela abadala ngesenzo lesi asenzayo. Babikele ngoba ungatholakala usenza izinto zakho wedwa bengakwazi kusendulo bebezakupha umthanyelo.
Umkami kasafuni omunye umntwana
Ngihlala lonkosikazi, silengane ezimbili zamantombazana. Mina ngifuna ongumfana uthi yena kasafuni omunye umntwana. Lokho sokwenze ngayamithisa phandle, ngingathola kungumfana ngiyathatha isithembo. Ngifuna isibongo sami siqhubekele phambili ngazalwa ngaba ngedwa ngakithi. Ngimtshele njani ngesithembo?
Impendulo
Phumela egcekeni sixoxe. Ufuna ukuthatha isithembo na kumbe vele sulaso? Uyamtshela nje umngane wakho. Ungamkhahlamezi umcele, umbikele ukuthi uyacela kakhulu lokuhlonipha okukhulu ukuthi makalale ngenxeba lenhliziyo yakhe njalo awusoli ngitsho, konke kukhona kuye. Isizungu sokuba lomnawakhe yile into yokuthi ale ukuzala. Umtshele ukuthi usenze wenza wena wadinga inzalo ngaphandle komuzi.
Umphephise kakhulu umtshele ukuthi yena ungowakho nini lanini kodwa ucelela umnawakhe osezithwele inkonzo. Ungathumeli muntu, khuluma laye mangqamu. Uthi wena kambe leligazi ngililahle na? Wengezelele ngamanye amazwi, wazi ukuthi ukutshaya lokukhahlameza omunye wakho akuwakhi umuzi.
