uMthunywa
YiNtatheli kaMthunywa
INDUNA uNekatambe yesigabeni seHwange esabelweni seMatabeleland North ilalisiwe esibhedlela ngemva kokuba kungozi yomgwaqo eHwange izolo ntambama.
Imota yenduna ingqikilane legonyethi eduze leVehicle Inspection Department (VID) emgwaqeni omkhulu osuka eHwange usiya koBulawayo.
Izolo ntambama, usikomitshi weHwange uMnumzana Simon Muleya wazise intatheli ukuba induna uNekatambe iyelatshwa esibhedlela seHwange Colliery.
“Induna uNekatambe ibekungozi emgwaqweni. Angila okunengi engingakutsho mayelana lokulimala kwayo. Ulaliswe esibhedlela seHwange Colliery. Imota yakhe ingqikilane legonyethi,” kubika uSikomitshi Mnu Muleya.
Iphephandaba likazulu likhulume labantu abazibonele mathupha ingozi le, abathe umtshayeli wegonyethi wenze iphutha.
“Umtshayeli wegonyethi nguye ophambanisileyo, wephule imithetho yokutshayela,” kutsho omunye umfakazi.