Induna uMagama isekela ukujujwa kuCovid-19

01 Aug, 2021 - 13:08 2021-08-01T13:42:10+00:00 2021-08-01T13:42:10+00:00 0 Views

Induna uMagama ogqoke ingwane emi eceleni kwesisebenzi sikaHulumende kugatsha lwezeMpilakahle ngesikhathi kuqhutshwa uhlelo lokuhlatshwa kwabantu ukuze bavikelwe kubhubhane lweCovid-19

uMthunywa

INDUNA uMagama yaseTsholotsho eMatabeleland North usezinikele ukuthi alwisane legcikwane leCovid-19 ukuze lingabhidlizi isigaba sakhe.

Inkokheli yomdabu le isithole ukunconywa yizakhamuzi endaweni ezithile eTsholotsho ngemva kokubonakala incedisa izisebenzi zikaHulumende ekukhuthazeni abantu ukuthi bahlabe ijekiseni yokuvikela iCovid-19.

Induna uMagama kubikwa ayihlali phansi ibhoda labezempilakahle uma besesigabeni sakhe.

Inkuthazo yenduna uMagama ize ngesikhathi abahlali beTsholotsho yonke jikelele beqhinqa isililo ngokukhothama kwenduna uMahlathini.

Induna uMahlathini, eyazalwa ingu-Jabulani Jiyane, ikhotheme ngemva kokuhlaselwa yiCovid-19, eleminyaka yokuzalwa engu-63 ngoLwesihlanu ngeviki edluleyo.