uMthunywa
Izithandani eziyiziphofu zeza kweleSouth Africca zilethemba lokuthi zizaphinda zibone njalo.
UMnumzana Kuyakesse Bien Venu (48) lonkosikazi wakhe uYokamoseka Moseka (46) sebeleminyaka elitshumi lesithupha behlala eBertrams kweleJoburg belokhe beyiziphofu benjalo. Laba ababili bananzwa yinhlanganiso yeJesuits Refugees esidikidikini seJoburg.
Kubikwa izithandani lezi zilabantwana ababili uRemedy (13) loKuyesse (6) abaphenduka iziphofu noma nje babezelwe bezibonela kuhle.
UMnu Kayesse waqala ukuthandana loNkosikazi Yoka eseyisiphofu elizweni leDemocratic Republic of Congo.
“Unkosikazi wami ubenginanza esikhathini esedluleyo kodwa kuthe ngokuya kwesikhathi besesinanzana sonke,” kuchaza uMnu Kuyasse
Laba abayiziphofu sebetshelwe ngodokotela abatshiyeneyo ukuthi bahlaselwa ngumkhuhlane okuthiwa yi-glaucoma.
Udokotela wamehlo uMnu Azim ovela eVosloorus Ekukhuleni uthe umkhuhlane lo we-glaucoma ubangelwa yikudikiza kwelihlo
“Umdeni kuqakathekile ukuthi uvakatshele odokotela bamehlo ukuze babahlolisise,” kutsho uMnu Azim.
Umqondisi wenhlanganiso weSouth African National Council for the Blind uJace Nair uthe uthe lesisehlakalo esehlele umdeni lo sijwayelekile emulini ezinengi eziphila lobuphofu.
“Umdeni lowu udinga ukuncediswa yilabo abakhangele imulu ezilohlupho njalo abantwana laba kumele baye esikolo,” kugcizelela uMnu Azim
Isikhulumi seDRC Embassy esePretoria uMnunzana Bene Yaka uthe: “uHulumende we weCongo ngeke etheswe umlandu ngabantu abahlamukayo bazenza iziphepheli ngokuzibiza ngokuthi bangama-asylum-seekers.” — Ubulembu
