uMthunywa
UKUHLATSHWA ijekiseni yeCovid-19 kubalulekile ukuze kuvikelwe ukuthi kubelabantu abazagula kakhulu badinge ukuthi balaliswe ezibhedlela.
Inhlanganiso yezempilo emhlabeni, iWord Health Organisation (WHO), ithi i50 percent yabantu abaphathwa ngumkhuhlane baye badinge ukuthi balaliswe ezibhedlela ngoba baphathwa ngumkhuhlane onzima, ngakho kubalulekile ukuthi abantu bahlatshwe ukuze bazivikele kulumkhuhlane.
Ukuhlasela kobhubhane iCovid-19, sekufake ingcindezi ezikhungweni zezempilo, ngakho ukuze kuvikelwe ukuthi kube labantu abanengi abazodinga ukulaliswa ezibhedlela bephethwe ngumkhuhlane, kubalulekile ukuthi abantu bahlatshwe.
IWHO ithi babalewa ku-3 kusiya ku5 million abantu abaphathwa nguumkhuhlane emhlabeni ngomnyaka.
Ithe yize kulamajekiseni abekiweyo amaqhinga okuzama ukunqanda ukusabalala kweCovid-19 afana lokuthi abantu kumele baqhelelane, bageze izandla banciphise lokuhamba behlangana labantu leyo migomo ingasiza lakuwo umkhuhlane kodwa ithi akutsho ukuthi ngeke abantu besaphathwa ngumkhuhlane nxa belandele leyo migomo ngoba igcikwane lomkhuhlane likhona emoyeni ngalesi sikhathi.
Usolwazi uLucille Blumberg weNational Institute for Communicable Diseases (NICD), emqingweni wezempilo okhuluma ngokuphathwa ngumkhuhlane eSouth African Medical Journal (SAMJ), uthe amagcikwane omkhuhlane kuleli ahlasela phakathi kukaNkwenkwezi loMpandula.
Uthe umkhuhlane usabalala masinyane njalo uphatha bonke abantu kungakhathalekile ukuthi baleminyaka emingaki.
“Umkhuhlane ungaba mubi kakhulu ebantwini abalezifo ezenza ukuthi amasotsha abe ntekenteke ezifana leHIV, iTB, isifo setshukela, isifo sezinso, esokungagayeki kahle kokudla lezinye,” kugcizelela uSolwazi uBlumberg.
Uthe abesifazane abakhulelweyo labantu abakhulupheleyo ngokweqileyo, izingane ezincane labantu abadala kulamathuba amanengi okuthi bahlaselwe ngumkhuhlane futhi kubo ubenzima.
Uthe indlela esebenzayo yokuvika umkhuhlane yikuthi uwugomele yonke iminyaka.
Uthe yiloba ukuhlatshwa kusebenza kodwa abantu abalamasotsha antekenteke kungenzeka ukuhlatshwa kungabavikeli ngokupheleleyo kodwa ukuhlatshwa kuyabavikela ekutheni bagule kakhulu badinge ukuya ezibhedlela loma batshone.
“Ukuhlatshwa ijekiseni yokuvikela lumkhuhlane kungasiza ekutheni kuvikelwe ukuthi abezempilakahle bagcwalelwe yizigulane eziningi ezilomkhuhlane lezileCovid-19. Okumele sikukhumbule yikuthi ijekiseni yeCovid-19 ayiwuqedi umkhuhlane, kanjalo lowomkhuhlane awuyinqandi iCovid-19,” kutsho yena. — Isolezwe
