uMthunywa
YiNtatheli kaMthunywa
SOKUPHINDE kwadlula omunye njalo umuntu emhlabeni kuleli kubangelwa ngumkhuhlane weCovid 19 kwesinye isibhedlela esiseHarare osekusenza kube labantu abane asebebulewe ngumkhuhlane lo.
UMphathintambo obona ngezeMpilakahle kanye lokondliwa kuhle kwabantwana kuleli, uDokotela Obadiah Moyo uveze lokhu ekhuluma lentatheli eceleni, ngesikhathi esamukela isipho sePPE kanye lomtshina wePCR ovela kunhlanganiso yeWHO eHarare lamhlanje.
NgoMvulo mhlaka 21 Mabasa isilinganiso sabantu abalegcikwane le-Covid-19 sikhuphuke safika ku-28 kweleZimbabwe.
Uthe njengababona ngezempilakahle baqale ukudinga umkhondo wabanye abantu abangabe beke baba lomuyi kusukela izolo ebusuku.
Uthe iziphathamandla ziyadingisisa njalo ukuba zithole umkhondo ngaleligcikwane.
“Silokhu sisadingisisa ngomkhondo waleligcikwane, okwakhathesi esikwaziyo yikuthi umuyi ubevela eMhondoro,” kutsho uMphathintambo uMoyo.
