uMthunywa
UMQEQETSHI omutsha weOrlando Pirates uMuhsin Ertugral ubika ukuthi uzaqala kutsha kuleliqembu ngokufundisa abadlali amanyathelo okunqoba.
Izolo kupuntshuke amahebezi okuthi iPirates izafuna ukuthenga abadlali abatsha, okuyikhona okuqinisa amazwi kamqeqetshi wokubumba ithimu kakutsha.
Ngesikhathi umqeqetshi lo ebuzwa ngalindaba uvele wathi kungumlandu womqeqetshi wonke ukuthi alungisise ithimu kakutsha.
“Kumele kubenjalo ngoba iPirates ukuze ithathe inkezo kusizini ezayo kufuneka abadlali bohlonzi lokuqinisa abakhona,” kutsho lumqeqetshi ngesikhathi eqala ukulolonga iPirates.
IBucs ibikhangelele ukuqhatsha uStephen Keshi, odlule emhlabeni ngenyanga edluleyo.
UFloyd Mbele, oyisikhulu esiphezulu kuPirates, uthe: “Hayi, hayi, ngeke. Angiyazi leyonto ongibuza ngayo.
Njengamanje thina sinikeze umqeqetshi imvumo yokutsho akufunayo ngeqembu. Thina inkokheli asingeni ndawo.
“Langesikhathi kuloRuud Krol sasithola inqwaba yezicelo. Lamanje kunjalo, akukho okushintshileyo. Eqenjini elinjengeBucs yinto esikhangelane layo insuku zonke.” — Ubulembu
