uMthunywa
SEKUQUBUKE omunye umfundisi wezimanga othela amalungu ebandla ngamanzi abilisiwe kodwa othi kawatshi futhi kawezwa buhlungu.
Zisuse imvunge ezinkundleni zokuxhumana izithombe zalo mfundisi waseMgungundlovu, uMnu Thamsanqa Sambulo (23), abantu bebabaza isimanga lo mfundisi athi usenza kumalungu ebandla lakhe iThy World Kingdom Harvest Ministries.
Kulezi zithombe uvela ephethe iketela elamanzi, ebese ethela amalungu ebandla ezandleni.
Kuvela lokhu nje ayikawuphothuli umsebenzi wayo iKhomishini ephenya amabandla asolwa ngokulutha abantu lokuzenzela inzuzo, iCommision for the Promotion and Protection of the Rights of Cultural, Religious and Linguistic Communities.
Umsebenzi kubhekeke ukuba iwuphothule ngenyanga ezayo.
Ekhasini lalelibandla kuFacebook abantu bebelokhu bebabaza njengoba kubhalwe ukuthi uSambulo wayenza lokhu efuna ukuhlola ukholo lwamalungu ebandla.
Kuthiwa ngemuva kokubilisa amanzi, wabeka iketela esifubeni sakhe kwathuka amalungu ebandla, wabe esewabuza ukuthi ngubani okholwayo kuwo.
Emva kwalokhu kuthiwa abantu basuka benza njengoba ayenza laye, bangalimala.
Kuthiwa waphinde wawabilisa futhi amanzi, kweza owesifazane wathi uyakholwa, yena akamthele ngawo ezandleni zakhe etshisa enjalo.
“Indodana kaNkulunkulu yaqala yazithela yona, yabe isithela lalo wesifazane. Ibandla lonke, umuntu ngamunye, balandela bezovivinya ukukholwa kwabo,” kuqhuba umbhalo.
Kuleli khasi kuFacebook ziningi “izimanga” ezivezwa zenziwa nguSambulo.
Phakathi kwezinye zazo kuthiwa usize abatshadikazi bakwaMthembu bathola umholo ka-R8 593,20 abangawazi ukuthi uqhamukephi.
Owesifazane obizwe ngoNosihle Makhathini, isithombe sakhe esivelayo, kubhalwe ukuthi wathola imisebenzi emibili emuva kweminyaka engawutholi umsebenzi emuva kokukhulekelwa nguSambulo okuthiwa wavele wathi; “ngiyakuqhatsha”.
Ekhuluma lephephandaba elinguzakwabo weSolezwe iThe Mercury izolo uSambulo ugxeke labo abalokungabaza ngokwenza kwakhe izimangaliso. “Uma abakholwayo bengazi lutho ngokuthile, bavele bathi imisebenzi kaSathane. Ofuna ukubona engikwenzayo akeze azozibonela ebandleni futhi akekho umuntu osetshile,” kuphetha yena.
USihlalo weKhomishini uNkosikazi uThoko Mkhwanazi-Xaluva, uthe iyinsambatheka lento.
“Lezizimanga ezenziwa ngabafundisi asizazi ukuthi zivela ngaphi futhi sifuna kuphele. Abafundisi abakwekele lokhu babuyele ezwini leBhayibheli njengoba linjalo ngoba amaKrestu amadala ayayiqala lawo linto yokutshiswa kwabantu ngamanzi abilayo, baphuziswe uphethroli, abanye badliswa izinyoka.
“Lezi zinto zonke zihlangana kuphi lokukholwa futhi zibasiza kanjani abantu? Isiphetho sakho konke wukuthi kuzogcina kulimele umuntu,” kutsho yena.
Bephawula abantu kuFacebook ngaloludaba, uMama uNeoetsile Precious uthe, “UNkulunkulu uzokujezisa ngokungelaphi abantu kodwa ulokhu uveza umlingo nokuthi ungcono kangakanani. Udumo selukubambile.
Senifuna ukuba osaziwayo, ngegama likaNkulunkulu.” — Ubulembu
