uMthunywa
Yintatheli kaMthunywa
KUNGASE kuxotshwe izikhulu eziphezulu kuSouth African Rugby Union (Saru) nxa kuyikuthi amahlebezi okuthi umqeqetshi uHeyneke Meyer unikwe enye inkontileka ngaphandle kokuvumelana aliqiniso.
Phakathi kwamagama avelayo lapha kukhona lelikamongameli we-rugby uRegan Hoskins lesikhulu esiphezulu uJurie Roux okuthiwa banikeze uMeyer inkontileka entsha ezophela ngo-2019. Kuthiwa uzahola 5 miliyoni randi ngomnyaka.
Labo abazazi ngcono bathi lokhu kuzopasiswa kumbe kuchithwe ngoMpalakazi emhlanganweni omkhulu. Kulapho okuzavela khona ukuthi uMeyer uyithole ngokusemthethweni inkontileka yeminyaka emine.
Kodwa kubikwa uMeyer uzicelele kuSaru ukuba imgcine kuleli qembu lesizwe.
Ngokuthola kweSolezwe, uMeyer uzohlala lezikhulu zeSaru kucutshungulwe inkontileka yakhe ngemuva kweNdebe yoMhlaba ephele ngeviki eledluleyo e-England.
Kukhona abalolwazi lokuthi uMeyer usanda kuyivuselela inkontileka yakhe ngeminye iminyaka emine kodwa indlela yena akhuluma ngayo iyakuchacisa ukuthi akazi kuzokwenzekani ngekusasa lakhe kumaBhokobhoko.
Ngesikhathi ememezela iqembu elidle indondo yethusi uze wancokola ngokuthi uzwa sengathi ukhuluma labezindaba okokucina njengomqeqeshi wamaBhokobhoko. Ngaleso sikhathi ubekhuluma ngokubaluleka kokuba yingxenye yomdlalo lo awaziyo ukuthi ngelinye ilanga uyoyihlanganisa iNingizimu Afrika.
Okwenza umqeqetshi ezwe sengathi uhleli ngesinqe kulo msebenzi ukuhluleka ukunqoba iNdebe yoMhlaba.
Okwenze lokhu kwangehla kahle ukuthi ukhitshwe yiNew Zealand ngamaphutha akhe.
“Ngiyazi abanengi bazongigxeka ngoba vele kulula. Ngiyavuma ngiwenzile amaphutha kodwa ngilothando lokuba yingxenye yeqembu elingabuyisa ithemba ezweni,” kutsho uMeyer. — Ubulembu
