uMthunywa
Charity Moyo
ZILOKHU zikhuza imihlola izakhamizi zeBeitbridge elokitshini leDulibadzimu kulandela udaba lwamadoda amabili abuleleneyo kubangwa umahotsha.
Isiga lesi senzakale ngeSonto kuyonale iviki.
Kuzwakale ukuthi uDavid Mloyi oleminyaka yokuzalwa engu-29, loSibangani Mangena, (30), babulelene ngesikhathi bebanga umfazi. Umfakazi obikele uMthunywa uNkosikazi Sarah Nkala uveze ukuthi amadoda amabili la aqala ukulwa endlini yalintombi ngesikhathi edibana khona. Uthe intombi eyayibangwa nguNomsindisi Thupha owaziwa kakhulu kulelo lokitshi.
Uqhubekele phambili esithi yena ungumakhelwane walintombi ngoba bahlala endlini eyodwa. Uthi yena wezwa ngomsindo sokukhala izibhakela.
“Udade lo owayebangwa vele uyaziwa ukuthi ulabangane abanengi khonapha elokitshini ikakhulu abesilisa. Mina ngezwa sokuyisiwowowo abantu besilwa kuphela inkazana ihlaba umkhosi isithi abantu kababuye bezoyinceda ngoba abantu sebebulalana,” kutsho uNkkz Nkala.
Omunye wabafakazi ababekhona ngesikhathi besiyalamula lindaba uMnumzana Eddias Ngulube uveze ukuthi bathi besizwa umkhosi lo bagijima ukuze bayelamula kodwa akuncedanga lutho ngoba bathola omunye evele esephelile.
“Sathi sisizwa lumkhosi sagijima sisiyalamula kodwa kwaba lusizi ngoba uMloyi wayevele esesifa ngoba wayegwazwe enhliziyweni. Omunye wakhe wayesehluleka ngakho samgijimisela esibhedlela sayakwazisa amapholisa,” kulandisa uMnu Ngulube.
Kubikwa ababili laba balwa kabuhlungu okuyikho okwabangela ukuthi bagwazane ngezingqamu. Kuvele ukuthi uMloyi wahle wagwazwa esifubeni lesandleni senxele wahle wafela khonapho. Kuthi uMangena yena wagwazwa emhlane wayafela esibhedlela.
Kubikwa ukuba amapholisa athatha uNomsindisi ukuze achwayisise ngalindaba ngoba egwazane lapho ahlala khona kwatholakala ukuthi bonke bebekhonjwe yintombi le.
Intathelizindaba ikhulumisane LoNomsindisi wavuma ukuthi kuliqiniso ukuthi amadoda amabili agwazana ebanga yena onke afa.
Uthe yena kwabaliphutha ngoba yena wayebize umuntu oyedwa kuthi lo omunye waphongukuvela engatshongo ukuthi uyabuya.
“Kuliqiniso lokhu kodwa mina ngangibize uMloyi kuphela, sathi silokhe sisaxoxa silungela ukulala ngezwa kuqoqodwa emnyango.
“Lwangitshaya lwangeqa uvalo ngibona kunguMangena kodwa yena wangena endlini wahle watsho phezu kukaMloyi ngezibhakela bacina sebesilwa bephethe ingqamu.
Ngilokuzisola okukhulu ngokufa kwamadoda la ngoba kwabangelwa yikuthi babalokungezwani ngenxa yami,” kutsho uNomsindisi.
UMthunywa uxhumane lesikhulumi samapholisa eMatabeleland South uInspector Philisani Ndebele yena oveze ukuthi udaba lolu . . . ………………………………..
