uMthunywa
KULABANTU ababili ababotshwe ngamapholisa eLimpompo kweleSouth Africa kulandela ukutholakala belamakhanda abantu emoteni.
Isikhulumi samapholisa uColonel Ronel Otto uchaze ukuthi amapholisa athole izidumbu zabantu ezingela makhanda ngaphansi kwebholoho eMapila emangweni weMahwereleng ngoMvulo ekuseni.
“Izidumbu zitholwe ngamapholisa ngemva kokuncwetshwa udletshana. Sisaqhubekela phambili sichwayisisa ukuze sibone ukuthi izidumbu lezi ezitholakale zingelamakhanda zingenelana njani lesehlakalo esenzakeleyo ePolokwane ngeSonto lapho okutholakale khona amakhanda abantu abegoqelwe ngamaphepha emoteni,” kutsho uMnu Otto.
UCol Otto uchaze ukuthi amapholisa aqale ukudingisisa lindaba kulandela ukuncwetshwa udletshana mayelana labantu abacatshangelwa ukuthengisa izitho zabantu ngeSonto.
— Ubulembu.