uMthunywa
YiNtatheli kaMthunywa
ABALANDELI beqembu leBosso bajabule kakhulu ngokunqoba kwabo kwesibili enkundleni yeBarbourfields koBulawayo ngeSonto.
IBosso inqobe iqembu leZPC Kariba nge 2-0. Kumdlalo lo, bekulo Bulelani Lobengula Khumalo oyinzalo yenkosi uLobengula okunike abalandeli kanye labadlali beqembu leli idlabuzane enkundleni.
Ukusungulwa kweqembu leBosso kwadatshulwa yizizalwane zikaLobengula okuyikho okwenze abalandeli baleliqembu baqunjwaqunjwa bebona uBulelani ezoxhasa ithimu yabokhokho bakhe.
UBulelani ngemva kokubukela Amahlolanyama ehlohla amabhola amabili, uvakatshele ikamelo leqembu lapho afike watshayela abadlali ihlombe. Kusenjalo, iBosso kulimpelaviki ivakatshela iqembu leYadah kumdlalo weCastle Lager wetshumi lanye.
Iqembu leYadah lihlezi likhathaza nxa lidibene leBosso kodwa ngokudlala kwabadlali bakaMadinda Ndlovu, kukhangelelwe ukuthi kuguquke izinto.
IChicken Inn isekhaya leHarare City.
Imidlalo yeCastle Lager kulimpelaviki:
NgoMgqibelo:
-Yadah vs Highlanders (Rufaro Stadium)
-Herentals vs Caps United (NSS)
-Ngezi Platinum vs FC Platinum (Baobab Stadium)
-Chicken Inn vs Harare City (Luveve Stadium)
-ZPC Kariba vs Chapungu (Nyamhunga Stadium).
NgeSonto:
-Dynamos vs Manica Diamonds (Rufaro Stadium)
-Telone vs Black Rhinos (Luveve Stadium)
-Hwange vs Triangle United (Colliery Stadium)
-Mushowani Stars vs Bulawayo Chiefs (NSS).
