uMthunywa
Ophezulu Stinta
SISAQHUBEKA ngokufundisana ngemihlobo yezinyoni ezitshiyeneyo. Inyoni lezi zibonakala endaweni ezitshiyeneyo njalo zidla lokudla okutshiyeneyo.
Ingqungqulu yinyoni engangesikhukhukazi senkukhu, ilensiba ezingathi zibomvana. Idla inyama yenyamazana ezifileyo. Abantu bakholwa ukuthi idla amehlo, indlebe, lolimi lwenyamazana kuphela. Yinyoni elamandla amakhulu ngoba lenyoka enkulu iyenelisa ukuyibulala. Kuthiwa iyayidobhe iphaphe layo emoyeni nxa isiphezulu iyiyekele ilaxazeke phansi ikwenza lokhu ize ife. Amaqanda ayo iwabekelela esihlahleni somkhaya.
Insendlu yinyoni engankulu elombala ophosa ufanane lowejuba. Ilomkhuba yokukhala ibiza abantu ibabizela inyosi, kanti futhi lenyoka ingakubizela.
Isikhova isikhova silamachathachatha amhlotshana kodwa singathi siluthuli. Silamehlo aqatha. Abantu basibiza bathi ngumandukulo. Isikhova silala emini ebusuku siyezingela. Abantu abanengi bayasesaba isikhova ngoba kukholelwa ukuthi sisetshenziswa ngabathakathi.
Isikhwehle singaphansi kwethendele mbijana. Umbala waso ufana lowotshani obomileyo. Yinyoni ethanda ukuphanda umumbu osanda kumila.