uMthunywa
Sizaqhubeka ngezifundo zenkulumo. Kesikhangele ukuhlonipha. Isintu siyahlonipha kakhulu. Ukuhlonipha kutshengiswa kakhulu. Ukuhlonipha kutshengiswa kakhulu ngendlela yokukhuluma. Akukhulunywa kuthiwe bhadla ngoba kuthiwa kuyahloniphisa.
Ukuhlonipha yikukhuluma okuthobekileyo, okucolekileyo okupholisa ubukhali bamazwi, indlela ezidinga inhlonipho izikhathi ezinengi
i) Ukufa abantu bayakwesaba, okwenza besabe lokuliphatha lula igama lokufa. Kusetshenziswa amazwi ahloniphayo njengokuthi ugogo kasekho, ubaba wasitshiya nyakenye, udadewethu usedlule, inkosi isikhotheme, umama sewatshona, umntwana uswelekile etc.
ii) Ukuzala umuntu uyazala laye njengazo zonke izidalwa kodwa okomuntu kuyahloniphisa kusetshenziswa amagama anjengokuthi ukhululekile, ubelethile, uthole ingane. Inja yiyo okuthiwa inyelezile, umangoye wephukile.
iii) Ukukhulula umzimba ukuchema ngokomntwana kodwa umuntu omdala uyachitha. Sisebenzisa amagama afana lelithi ukuya ngaphandle, ukusithela, ukugijinyiswa yisisu, ukuhlambuluka kwesisu, umchemo ngumthambiso, uthuvi yingaphandle. Ukuhlanza yikukhipha kumbe ukuphalaza.
iv) Izitho zomzimba ziyahlonitshwa kazithiwa bhandla zibizwa ngamabizo okuhlonipha. Izixhwali zitholakala sezibhadlaza sezithuka ngazo.
v) Ukugcwigcwiza yingxenye yenhlonipho. Lokhu kuphathelane lesiko lokwesaba ibizo likayihlozala, unyokozala, umkhwenyana, umalokazana.
Ukugcwigcwiza kungaphanjaniswa lamabala atsho ntonye njengala ijaha — insizwa.
Ukugcwigcwiza yindlela yokuhlonipha ukubalekela amabala athile ngezizatho zokuhlonipha.
