uMthunywa
Siyaqhubeka sikhangela impahla yesiNtu. Siqhubeka ngemihlobo etshiyeneyo yengcebethu.
1. Ingcebethu yesikhukhukhu — intambo yesikhukhukhu iyaphalwa amaxolo ichaywe yome ngoba isikhukhu nxa simanzi siyatshelela. Kuthungwa ingcebethu ngentambo le kuhlonyelelwa umadodlwane. Ingcebebthu ethungwe ngesikhukhu iqinile kakhulu njalo kayivuzi loba kungathelwa amanzi kuyo.
2. Ingcebethu yomyankomo — lobu butshani obumila eduze lezibaya lemasimini. Buyasitshunwa busesemanzi buchaywe bungoma kuthungwe ngabo ingcebethu enhle ecazimulayo.
3. Ingcebethu yomcobosi — butshani obufuna ukufanana lemizi kodwa bona bubuthakathaka kakhulu kulemizi. Buyasitshunwa buthungise ingcebethu
4. Izitsha — izitsha zinkulu kulengcebethu. Ingcebethu isetshenziswa ekuphatheleni izinto ezincinyane lokusibekela ukudla. Isitsha siphathela izinto ezinkulu. Isitsha kufulelwa kuso ihlobo. Ngesikhathi sokuvuna kwakuvunelwa esitsheni. Izitsha lezi zithungwa ngezinto ezisetshenziswa ukuthunga ingcebethu kodwa kudingeka ulwazi olungaphezulu kwalolu olokweluka ingcebethu.
5. Ukhomane — ukhomane lusetshenziswa ukwela kanye lokuphephetha amabele ikakhulu nxa kubhulwa yikho lapho olusebenza khona. Ukhomane luyelukwa. Lukhona olwelukwa ngelala ngomama kanti njalo kwezinye indawo lwelukwa ngempande zentakubomvu. Lokhu kwande ukwenziwa ngobaba
