uMthunywa
YiNtatheli KaMthunywa
UMDLALI weHighlanders uSimon Munawa usebizwe kumaWarriors.
UMunawa ungomunye wabadlali abangene kuqula lethimu yesizwe elizadlala lesizwe seNamibia ngeSonto kuhlandla lesibili lomncintiswano we-Africa Nations Cup, ebizwa ngokuthi yi-Chan. Kuhlandla lakuqala, iZimbabwe yanqotshwa 1-0.
Lokhu mhlawumbe kuza ngemva kokukhonona kwabalandeli ngenyathelo likamqeqetshi uSunday Chidzambwa lokukhetha abadlali abavela eHarare abanengi.
Abanye abadlali abaphuma kumhlubulo ongezansi yelizwe abalodumo abakhethwe nguChidzambwa nguMilton Ncube oweHow Mine loPeter Muduhwa odlalela iBosso.
UMunawa ekhuluma ebulenjini beWhatsApp ngoLwesithathu ekuseni, uthe ukubizwa njalo kumaWarriors kubeyisimangaliso.
Iqembu likaChidzambwa elakuqala lisolwe kakhulu, kulandiswa ukuba aluba wadlalisa abafana abangakaze balikhabe kuqembu lesizwe. Kumdlalo waseNamibia amaWarriors ayediniwe, engatshengiseli ukuthi aqeda ukuba zintshantshu zeCosafa.
Abadlali bakaSunday Chidzambwa
Onozinti:Petros Mhari, Takabva Mawaya, Herbert Rusawo,
Imvimbi:Dennis Dauda, Jimmy Dzingai, Jimmy Tigere, Devine Lunga, Ocean Mushure, Milton Ncube ,Praise Tonha, Peter Muduwa, Jameson Mukombwe
Abaphakathi: Marshall Mudehwe, Ronald Chitiyo, Innocent Mucheneka, Simon Munawa, Devon Chafa, Leeroy Mavunga, Liberty Chakoroma, Raphael Manuvire, Talent Chawapiwa, Denver Mukamba
Abagadli: Abbas Amidu, Francesco Zekumbawire, Prince Dube.