uMthunywa
YiNtatheli kaMthunywa
UZAVUMA wedwa ukuthi umculo ohlanyisa ama-2K, owamaPiano usutshintshe indlela abantu abajabulela ngayo ezomculo.
Ngokunanzelela lokhu, izikhokho zokujabulisa abantu kuleli, uDJ Prince Esikhosini loDJ Stinah sebesungule inkundla okuthiwa yi-AmaPiano Ward.
Ingqungquthela zokuhlanganisa umculo lezi zabona ukuthi abahlabeleli abanengi bakhonona bengaqedi ngokuthi ingoma zabo aziqhunswa.
U-DJ Prince Eskhosini loDJ Stinah bathe ngokuvula i-AmaPiano Ward, izikhalazo zabaculi zaphela.
Umfanekiso lo uthethwe kuShutterstock
“Abaculi bebekhala ngokuthi o-DJ bamakilabhu abasebenzisi imculo yabaculi bakuleli.
AmaPiano ngumhlobo womculo osusabalele umhlaba wonke. Ngenxa yalokho, akumelanga abaculi bethu basalele emuva.
“Khathesi sithe nanti ithuba eliphawulwa yi-AmaPiano Ward. Le yindawo ezakhanyisa imisebenzi yabaculi bethu abaqhunsa amaPiano. Ngakho-ke sibone ithuba sabopha iqhinga lokuvula inkundla ezaphathisa abaculi bamaPiano,” kutsho uDJ Prince Eskhosini.
Kubikwa inkundla ye-AmaPiano Ward izabe ivulwa ngoMgqibelo emini.
UPrince Eskhosini uthe bahlose ukuthi ngokuya kwesikhathi bathole usekelo olujiyileyo ukuze uhlelo luphumelele.
Ama- 2000
Ukuvulwa kwenkundla yamaPiano le yisiqalo koBulawayo ngesikhathi kugcwele ukungahlaliseki kubaculi abanengi.
Ngalesi isikhathi somnyaka, abaculi bakuleli idolobho bavalelwa phandle emcimbini emikhulu, lapho okunxuswa khona osaziwayo beSouth Africa.
UPrince Eskhosini uthe ngokuvulwa kwe-AmaPiano Ward, abaculi bakoBulawayo bazathola indawo ezabavuselela ukuzethemba lokuthi basondelele lokutshengisa ithalenta labo ebantwini lakumankampani la andise ukwenza imcimbi.
