uMthunywa
YiNtatheli kaMthunywa
NJENGOMLIMI kumele ube lolwazi ngomhlobo wenhlanyelo okumele uyithenge ukuze uthole isivuno esihle.
Izisekelo zenhlabathi
Kuxwayiswa ukuthi uhlole umhlobo wenhlabathi ukuze wenelise ukubakwazi inhlanyelo efanele umhlabathi wakho.
Ukuhlola umhlabathi kungakuphathisa ukwazi inhlanyelo eyiyo efaneleyo.
Ngokwazi umhlabathi okhona ungakhetha inhlanyelo efanele umhlabathi ezakwenza ube lesivuno esihle ngesikhathi sokuvuna.
Ngakolunye uhlangothi, nxa ungakhetha inhlanyelo engafanelanga umhlabathi wakho, isivuno siba phansi ucine ulahlekelwa.
Ukukhetha kubi kungakwenza ucine uthenga ifethalayiza edulayo, ukuhlala uhlakula kanye lokuthi usebenzise indlela ezitshiyeneyo ukuze inhlanyelo ifanele umhlabathi.
Ngenxa yalokhu, ukwazi umhlobo wendawo ngokuhlola umhlabathi kuzakwenza wenelise ukukhetha inhlanyelo efanele indawo yakho okuzathuthukisa amathuba okuthola isivuno esingcono.
Ukumelana lemikhuhlane
Imikhuhlane ensimini yakho ibangelwa yikuhlangana okuqondileyo kwe-pathogen, izici zemvelo kanye lomgcini ofaneleyo.
Ulakho ukwazi amagcikwane kanye lezici zemvelo ezixubanayo ezidala izifo.
Ukwenelisa ukubona imikhuhlane kuzakwenza wenelise ukukhetha inhlanyelo engcono njalo uhlelele isizini ezayo.
