uMthunywa
Ophezulu Stinta
Esintwini kumbe singathi izolo abadala bebelayo indlela yabo ekhaliphileyo okwamagama ebisetshenziswa ukukhuza kanye lokuxwayisa abantwana labasakhulayo jikelele nje. Izixwayiso lezi zazisenzelwa njalo ukufundisa abantwana inhlonipho lokuziphatha. Zazibethusa ukuze labo bangafisi ukungena kuleyongozi ngakho babelandela izixwayiso ngokuqiniseka.
Nanzi ezinye izixwayiso kanye lengcazelo zakhona
i. Kuyazila ukugiga ingiga ingelalutho, unyoko uzabulawa liqolo- kwakusesatshelwa ukuthi ungacezula ingiga
ii. Ungahlali elitsheni lokucholela uzafelwa ngumfazi kumbe yindoda- lapha kunqinelwa ukuthi umuntu angabi
litshapha ngoba uzajayela ukuhlala lapho okucholelwa khona ukudla.
iii. Ungatshayi omunye ngomthanyelo uzacaka- lapha yikwenqabela ukungcolisa omunye ngengcekeza etholakala emthanyelweni.
iv. Ungabokweqa unyoko uzahamba usiwa- lapha kwenqatshelwa ukuthi ungakhubeka uzama ukweqa kanti njalo kutshengisa ukungahloniphi umzali.
v. Ungahlali phezu kwamaseko uzafelwa yindoda kumbe ngumfazi- kunqinelwa ingozi yokuthi ungahlala phezu kwalo kanti liyatshisa utshe.
vii. Ungaze wahamba nyovane unyoko uzawela esigxingini- lapha kwenqatshelwa ingozi yokulimala lapho umuntu ehamba efulathele engaboni okuzayo.