uMthunywa
Leonard Ncube
ENYE inkokheli yomdabu yeBinga ebisisesebenze isikhathi eside, induna uSikalenge ifihlwe ngoMvulo esigabeni seManjolo khonale eBinga.
Induna uSikalenge, eyazalwa inguBayela Charles Tshuma ikhothame ngoLwesine kuviki ephelileyo esibhedlela seMater Dei koBulawayo isileminyaka engu-69.
Induna uSikalenge ifihlwe emini emzini wayo eManjolo kulandelwa isiko lesiTongeni lapho abakhokheli bomdabu ababekwa abantu sebesukile ngemva kwenkonzo lokudla.
Induna uSikalenge itshiye amakhosikazi amahlanu, abantwana abangu-23, abazukulu abangu-40 kanye lezizukulwane ezintathu.
UMphathintambo obona ngezasekhaya kanye lemisebenzi Yomphakathi uJuly Moyo obemelwe nguMsekeli wakhe uMarian Chombo uthe induna uSikalenge itshiye isikhala esikhulu okuzakubanzima ukuthi sivaleke.
