UNGAYIPHEKA ngendlela eyodwa inyama yenkukhu icina isikudaka uze uthi ayimnandi ikanti hatshi sokumele utshintshe indlela zokuyipheka. Akuzame lindlela mina engijayele ukuyipheka ngayo uzasala uthoba ulimi suzilumile.
Ziphekele inyama yenkukhu ele-buttermilk uzikholisele uzwe ubunandi bayo.
Okudingakalayo
-Amaqatha amane esifuba senkukhu (chicken breasts)
-15ml mixed herbs
-15ml iphaprika
-250ml ifulawa
-250ml buttermilk
-Amafutha okupheka
-Isawudo
-Imbiza yokupheka
-Ukhezo lokupheka
Indlela yokupheka
— Thela amaqatha akho isawudo le-pepper uphinde uthele i-buttermilk.
— Hlanganisa ifulawa, iphaprika, ama-herbs kanye lesawudo.
— Khupha amaqatha akho phakathi kwe-buttermilk uwagiqe phakathi kwefulawa oyihlanganise ngaphambilini.
— Tshisisa amafutha akho, nxa esetshisa ufake amaqatha uwakhanzinge aze antshintshe umbala abe ligolide, ayabe esevuthiwe.
Ukudla
Inyama le imnandi nxa uyidla lama-salads.