IZOLO abadala bebelendlela zabo ezikhaliphe okwamagama ebezilola indlela yokucabanga, zisenza umuntu acabange ngokujulileyo, lesizukulwana salamuhla laso sikuthathele khonaphana okhokho bethu abakutshiya khona, kwathuthukisa kwangena kwaletha izinga.
Izolo-ke imicabango ibilolwa ngamalibho kwakungumdlalo wabantwana belibhana kumnandi kunjeya. Lamuhla sebephicana ingqondo ngemidlalo yekhwizi.
Lapho omunye ubuza umbuzo ophicayo ukuze athole impendulo. Akesikhumbuzane ngamalibho.
Ngikulibha:
1 Ngechibi lami okuthi kungawela ulutho phakathi kwalo lichithe amanzi.
2 Ngabafazi bami abaloyayo kodwa bapheka ukudla okuthandwa ngabantu bonke.
3 Ngomfana wami odla ekhafula.
4 Ngomvundla wami ophekwa ngesikhundla sawo.
5 Ngesalukazi sami esithi nxa silambile sibelomusa kodwa sithi singasutha sibelolaka olubi.
6 Ngomuntu wami ohlala phezu kwezihlalo ezintathu.
7 Ngabantu bami abalabantwana babo, kuthi kungagula abadala abantwana babelaphe kungagula abantwana abadala abayibabona abantwana.
8 Ngenkabi zami ezithi zimi iketane ibihamba.
9 Ngenkunzi yami ethuza iqethukile.
10 Ngendoda yakithi ezitshaya ikhale.