LINJANI bafundi? Mina ngiyaphila. Qhubekani libala ingwalo zenu ngoba ukufunda kuqakathekile kakhulu. Ngiyazi ukuthi oGrade 7 okukhangelelwe ukuthi baqalise ukubhala imihloliso yabo yokuphela komnyaka ngoMpandula sebesezikolo. Bambani ngamandla sekuseduze ekucineni.
Asikhangeleni impendulo zomsebenzi weviki elidluleyo:
a. Isilotha
b.Amangcwaba/amathuna
c. Intolongo
d. Umkhathi
e. Emthethwandaba/enkundleni
f. Amadlelo
g. Izala
h. Umdango
Tshaya sizwe:
1. Ukhezo lokubhemisa igwayi ……..
2. Umuntu ogada isambane ……….
3. Izingane ezizelwe zimbili sikhathi sinye ……..
4. Ukuphuma kwezitshakala zomumbu ……..
5. Imfe eyahlutshwa yachaywa ukuze yome ………..
6. Ukukhala kwenkomo enduna engathenwanga ……….
7. Amazinyane azelwe emabili sikhathi sinye …………
Sizahlangana njalo ngeviki ezayo.
Bafundi thumelani impendulo zenu kunombolo lezi 0773675473 kumbe ku-0778520007 ngeWhatsApp loba ngeSms. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.