SIYAHLANGANA njalo bafundi kule iviki, kulabo asebeqalisile ukubhala imihloliso yokuphela kwethemu yokuqala ngilifisela inhlanhla.
Nanzi impendulo obungaphuma lazo kumsebenzi wakuviki ephelileyo
1. Unyoko uzawela eziko.
2. Ungagigi ingiga engelalutho
3. Uzakuba lempilo emfitshane
4. Ungadleli emnyameni
5. Ungaboyekela uchago
6. lawe uzazala isilima.
Kuthiwa abantu basuka embuyisweni sekusithi hwaqa. Lokhu kutsho ukuthi ilanga laselitshonile sekusiba mnyama.
Tshono ukuthi lokhu okulandelayo kukhomba siphi isikhathi selanga:
a. kusithi nwe –
b. empondozankomo –
c. emathathakusa –
d. phakathi kwamabili –
e. uvivi –
Kasihlanganeni kuviki ezayo sihlolana ukuze sibone ukuba siyasazi na isiNtu sethu.
-Bafundi thumelani impendulo zenu kunombolo lezi 0773675473 kumbe ku-0776710190 ngeWhatsApp loba ngeSMS.
-Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo.
-Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.