Ophezulu Stinta
Sinanzelela ukuthi uMlahlwa lo ngumuntu olenhliziyo engabongiyo, akalasiphiwo sokunanza omunye umuntu kumbe nje Ubuntu jikilele.
Wakubona kufanele ukuthi aphathe omunye umuntu njengesigqili.
Okunye njalo mhlawumbe laye wenziwa ngumumo akhulela kuwo, indlela aphathwa ngayo ekhula ehlukunyezwa egqilazwa wakubona sengathi yiyo indlela efaneleyo ukuphatha omunye umuntu.
Kuyisifundo esimqoka-ke lesi ukuthi empilweni kuqakathekile ukuphatha omunye umuntu ngothando kungakhathalekile ukuthi uzalwa ngubani kumbe uzalwa lobani.
Ekuhlukumezeni abantu kulapho okudaleka khona izigilamkhuba ezifana loMlahlwa.
UMlahlwa-ke kulesisahluko, usezimisele ukuthi akayefika kibo alungise okuthile ukuze adlulele eSinokisini. USayini nguye okumele agijime elungisela uMlahlwa yonke impahla ayidingayo, wayengelalo ithuba lokubuza kwakumele enze lokho ayekutshelwa kuphela.
UMlahlwa wayeseyibona indlela yakhe yokuya eGoli isimhlophe esephunyuke emlonyeni wesilwane. UMlahlwa wayezizwa nje ukuthi wayengasakhululekanga ngokuba kwakhe ekhaya. Lemali ayihuquluza kuSayini wayevele eselungiselela uhambo lwakhe.