INHLANZI ngesinye isitshebo esithandwa ngabantu kakhulu. Abanye bazigola emifuleni njalo abanye bazifuya emachibini abo, abanye bazithenge ezitolo kukanti abanye abazidli bathi zifana lenyoka njalo ziyanuka.
Akunjalo yikungazi ukuzipheka ake sizweke lamuhla ukuthi uMaMoyo uzipheka njani yena oyintshantshu kwezokupheka.
Okudingakalayo
– Izincezu ezilingana abazakudla.
– Ipani yokukhazingela (frying pan).
– Isawudo letshukela.
– Ibilebile le-pepper.
– Imithikazana (fish spices).
– Ifulawa le-curry.
– Iqanda.
– Amafutha lochago.
– Iphini.
– Ukhezo.
– Imbiza lomganu wokubhekela (casserole dish).
Ukupheka
– Gezisa inhlanzi ezilingana imuli yakho zonke ngamanzi aqandayo.
– Nxa kudingeka uzihwaye izigogo zonke ziphele uphinde njalo uzigezise.
– Faka inhlanzi embizeni.
– Thela uchago phezu kwenhlanzi.
– Thela isawudo le-spices.
– Yekela kuzuthwe okwemizuzu elitshumi.
– Khathesi zikhuphe inhlanzi embizeni.
– Gcoba umganu we-casserole ngamafutha (cooking oil).
– Faka inhlanzi emganwini ubusuvuvuzela ngamafutha angabi manengi.
– Faka umganau e-oven etshisa 300 degrees.
– Yekela e-oven okwemizuzu emihlanu.
– Thatha ukhezo uzi[phendule inhlanzi lezi.
– Ziyeke e-oven okwemizuzu emihlanu.
– Sezivuthiwe khathesi usungakhupha e-oven.
Ukudliwa
– Zingadliwa ngezindella ezinengi kodwa zidinga ukuba lomuhluzi eceleni.
– Nansi ke indlela yokupheka umhluzi.
Ukupheka umhluzi
Ukudla okunengi kufuna umuhluzi eceleni ukuze kudleke. Ukudla okunjengesitshwala, ilayisi lamagwili. Nxa ulefridge hlala uwubekile umhluzi.
Okudingakalayo
– Ihanyanyisi
– Amatamatisi
– Ifulawa
– Amafutha
– Imithikazana eyehlukeneyo ngemihlobo yenyama yakho, fish spice, beef spice njalo njalo
– Amanzi
– Ingqamu lophini
– Ipani loba imbiza
Ukupheka
– Qoba ihanyanisi ubezincezu, thela amafutha.
– Khanzinga ihanyanisi ubeluthuthuvana.
– Hluba itamatisi liqobe iziqana.
– Thela itamatisi phezu kwehanyanisi.
– Thela njalo imithikazana (spices).
– Thela ifulawa uphendule futhi.
– Thela amanzi.
– Phendula wekele kuxhwathe okwemizuzuz elitshumi emlilweni omlutshwana.
Dlana ke inhlanzi yakho ukholise njalo ugcine umhluzi.