AKE sibuyeleni kuzigaba zamabizo. Amabizo wonke silakho ukuwafaka ezigabeni. Okwenza senelise ukufaka amabizo ngezigaba zawo yiziqalo zawo. Zimbili izindlela zokuhlela amabizo. Eyakuqala yavunjululwa nguMnumzana C M Doke.
Kule indlela esikunanzelelayo yikuthi amabizo asebunyeni lasebunengini akusigaba sinye. Nanzi izibonelo:
Isigaba Ubunye Ubunengi
1 umuntu abantu
1a umalume omalume
2 umfula imifula
3 ilizwe amazwe
4 isihlahla izihlahla
5 inja izinja
6 uluthi izinti
7 ubuhle ubuhle
8 ukulunga ukulunga
Sezizonke izigaba ezilandela le indlela ziyisitshiyangalombili. Le indlela kayisasetshenziswa kakhulu yikho abanye ababalisi bengazihluphi ngokuyifundisa. Kuqakathekile ukuthi abafundi bayazi layo lindlela ukuze benelise ukuyehlukanisa lenye esetshenziswa kakhulu khathesi.
Indlela yesibili yokuhlela amabizo ngeyacandwa nguMeinhof. Zilokuhambelana lezindlela leyakuqala. Umehluko omkhulu yikuthi ekaMeinhof kayifaki esigabeni sinye amabizo obunye lobunengi.
Iyehlukanisa kanje: Isibonelo: umuntu Isigaba 1, abantu Isigaba 2.
Nanzi ezinye izibonelo ezinlutshwana kule indlela:
Isigaba siqalo Ibizo
1 um-, umu- umuntu, umfana
1a ub-, ubaba
2 aba-, abe-, ab-, abantu,
abeNguni, aboni
11 u-, ulu-, usiba, uluthi
14 ubu-, ub-, u-, ububi, ubomi,
utshwala
15 uku-, uk-, ukw-, ukudla,
ukona, ukwazi