Linjani bafundi? Siyahlangana njalo kuleliviki. Okwakuqala sizaqala ngempendulo zomsebenzi weviki eledluleyo.
Nanzi impendulo zomsebenzi wakuqala.
1. Yisicubu — ngumuntu ongelampilo ohlala egula njalo nje.
2. Liqhalaqhala — ngumuntu ohlakaniphileyo njalo ozazisayo futhi olokuzigqaja.
3. Yintandane — ngumuntu ongelabazali.
4. Yisihwaba — ngumuntu odla ephangisa efuna ukuncitsha abanye.
5. Yisidlova — ngumuntu ongelabuntu ophila impilo yokukhahlameza abanye.
6. Yisipatsha — ngumuntu onothileyo kakhulu njalo ohlonitshwayo.
7. Yintandokazi — ngumfazi othandwa kakhulu kulabanye esithenjini.
8. Yingwevu — ngumuntu osemdala oseqala ukuba lenwele ezimhlophe.
Nanzi njalo impendulo zomsebenzi wesibili
a. Isitulo — isihlalo
b. Isepa — umlola
c. Ibhuku — ugwalo
d. Ipeni — indibilitshi
e. Iwindi — ifasitela
f. Isotsha — ibutho
g. Umpikitsha — umfanekiso
h. Amafulawuzi — amaluba
i. Ihafu — ingxenye
j. Isitolo — ivinkili
k. Ujaji — umahluli
l. Igedi — intuba
m. Ijele — intolongo
n. Ikhitshi — umkulu
o. Ilayithi — isibane
Asikhangeleni umsebenzi wakuleliviki.
Phana ubunye bamabala alandelayo.
Ubunengi Ubunye
Abantu Umuntu
1. Izulu …………………………………..
2. Izalukazi …………………………………..
3. Abadala …………………………………..
4.Obabamkhulu …………………………………..
5. Imibuzo …………………………………..
6. Amaqembu …………………………………..
7. Imifanekiso …………………………………..
Asikhangeleni umsebenzi wesibili
Phana amabala atsho ukwenza ulutho
Isibonelo; Utshuka umchilo
Qondanisa lapha
1. Usela uchago
2. Uphotha unkankalu
3. Utheza inyosi
4. Usiphuna ingxoza
5. Usenga ingiga
6. Usika ijongosi
7. Ubaza imizi
8. Uthapha inkuni
9. Webula intambo
10. Uthambisa izithelo
Sihlangane njalo ngeviki elizayo bafundi, lingakhohlwa ukusebenza kanzima.