Linjani boKhekhe? Ngithemba selizabhala imihloliso yenu yaphakathi komnyaka. Kuqakathekile-ke ukuthi lihlale lizilungiselele ngokubala amabhuku amanengi langokufunda ulimi lwenu lwesiNdebele kuphephandaba likaZulu.
Nanzi impendulo zomsebenzi weviki ephelileyo.
(a) Cutha.
(b) Phothula.
(c) Weluka.
(d) Buya.
(e) Uhlabe.
(f) Iqhaga.
(g) Zala.
(h) Ibele.
(i) Machwane.
(j) Izinhlwa.
Impendulo zomsebenzi wesibili
(a) Yisikhupha.
(b) Yintolo.
(c) Yingqwele.
(d) Luqhweba.
(e) Yinkubalo.
(f) Igoda.
(g) Umunge.
(h) Umfuma.
Nanku umsebenzi wakule iviki.
Kubizwa ngokuthini?
(a) Lapho okulahlelwa umlotha.
(b) Lapho okubekwa khona abafileyo.
(c) Lapho okugcinwa khona ababotshiweyo.
(d) Lapho esibona khona inkanyezi.
(e) Lapho okuthethwa khona amacala.
(f) Lapho okweluselwa khona inkomo.
(g) Lapho okuhlanyelwa khona umumbu loba imfe ensimini.
(h) Lapho okwakugiyela khona amabutho.
Umsebenzi wesibili.
Chaza ukuthi kwenziwa ngani lokhu?
(a) Ububende.
(b) Umfuma.
(c) Isikhupha.
(d) Amasusu.
(e) Umcaba.
(f) Ihiqa.
(g) Amatshakada.
(h) Ibhizha.
(i) Umqungo.
(j) Igwadla.
(k) Isithubi.
(l) Isijeza.