UKWAKHIWA kwezandiso esabizwaneni sokukhomba
Isigaba Eduze Buqamama Kude
1 lo – kulo lowo – kulowo lowaya – kulowaya
Izibonelo zesandiso esabizwaneni sokukhomba kusigaba 1:
Eduze: Lo umfana ubekekile. Kulo umfana uzathola uncedo.
Buqamama: Lowo mfana ulungile. Kulowo mfana uzathola uncedo.
Kude: Lowaya umfana uloncedo ebantwini. Kulowaya umfana uzathola uncedo.
1 (a) Eduze: Ubaba lo ulesihawu. Kulo ubaba uzahlala kuhle.
Buqamama: Lowo baba ulomusa. Kulowo baba uzahlala kuhle.
Kude: Ubaba lowaya ulesihelo. Kulowaya ubaba uzahlala kuhle.
2 Eduze: Laba bantu balochuku. Kulaba bantu uzahlupheka. Kulabaya abantu uzahlupheka.
3 Eduze: Ungitshengise le indlu. Ngena kule indlu. Buqamama: Leyo indlu ihlanzekile. Ngena kuleyo indlu. Kude: Leya indlu igcinelwe wena. Bazalala kuleya indlu.
4 Eduze: Leli lizwe lilokuthula. Kuleli lizwe kulokuthula. Buqamama: Lelo lizwe lilokuthula. Kulelo lizwe kulokuthula.
Kude: Leliya ilizwe lilokuthula. Kuleliya ilizwe kulokuthula.
5 Eduze: Lesi sihlahla sithelile lonyaka. Kulesi sihlahla kulezithelo ezinengi. Buqamama: Leso isihlahla sithelile lonyaka. Kuleso sihlahla kulezithelo ezinengi. Kude: Lesiya isihlahla silezithelo ezinengi. Khana izithelo kulesiya isihlahla.
Esikuphawula lapha: Kuzo zonke izigaba isandiso sendawo sakhiwa ngokuqalisa ngo –ku- esabizwaneni sokukhomba. Likuqaphelisise lokhu bafundi.