IGREEN pepper yisilimo esinganika umlimi imali enhle kakhulu kungakho kuhle ukuthi umlimi abone ukuba usilima ngendlela eqondileyo ukuze angalahlekelwa yisivuno sakhe.
1. Hlanyela intanga zakho ngemva kwamaviki amathathu kube longqwaqwane wokucina. Gebha amagodi atshiyane nge mitha eyodwa. Hlanyela intanga zitshiyane nge 40 cm eceleni komgelo wamanzi (hayi phezulu).
2. Hlala uthelela impande, ungatheleleli ama-peppers. Ungakwenza lokhu ngokusebenzisa izikhukhula loba ukuthelezelwa. Nxa ama peppers engaba manzi kakhulu ayabola. Bona ukuthi uyembosa izilimo zingabi sengcekeni.
3. Bophela izilimo ezikhulayo ezigodweni ukuze zime ziqonde.
4. Hlala ufaka umquba. Uma usebenzisa umquba, sebenzisa umquba wenkukhu. Lapho i pepper iqala ukuzala, faka umquba ukuze ube yikudla njalo emavikini amane ufake futhi i-organic fertiliser elingeneyo. I-nitrogen enengi kakhulu ibangela ukuthi amahlamvu akhule hayi abantwana.
5. Hlala ukhipha ukhula njalo ubulale izibungu ngemithi. Ama green peppers awabanjwa yimikhuhlane njalo awahlaselwa yizibungu kodwa ke impukane zezithelo zingaba yinkinga. Nxa amahlamvu esejujukiswe zintwala fafaza ngamanzi alesepa.
6. Ama green pepper aqala ukuba lezithelo emavikini alitshumi lanye emva kokulinywa. Khetha izithelo nxa sezizinkulu ngokuziquma ngengqamu ebukhali. Ungatshiyi izithelo esilinyweni okwesikhathi eside ngoba kuyavimba ukuzalana. Ama peppers eyenza izithelo okwenyanga ezinengi kuze kufike isikhathi somqando.
Umthombo: New Farmer Magazine