2. AMABIZOQHO aveza ezinciphisweni – ijahana > uJahana – (i) u + jahana > uJahana; unyawana > uNyawana – (u) u + nyawana > uNyawana
Lapha sisusa unkamisa wakuqala wesinciphiso besekuqalwa ngo – u, ungwaqa olandelayo alotshwe ngebala elikhulu.
3, Amibizoqho avela esabizwaneni senani – zodwa > uZodwa – u + zodwa > uZodwa; zonke > uZonke – u + zonke > uZonke
Lapha kuqalwa ngonkamisa u –u phambi kwesabizwana senani, ungwaqa olandelayo alotshwe ngebala elikhulu.
4. Amabizoqho avela ezenzweni – thela > uThela – u + thela > uThela; dlula > uDlula – u + dlula > uDlula; themba > uThemba – u + Themba > uThemba; dliwa > uDliwayo – u + dliwa + yo > uDliwayo. Kuqalwa ngonkamisa u – u phambi kwesenzo, ungwaqa olandelayo alotshwengebala elikhulu. Ezenzweni eziyimpambosi yokwenziwa kujotsholelwa u-yo, kuqalwe ngonkamisa u-u, ungwaqa olandelayo alotshwe ngebala elikhulu.
5. Amabizoqho avela kuzenzukuthi: khithi > uKhithika – u + khithi + ka > uKhithika; gubudu > uGubudu – u + gubudu > uGubudu. Kuqalwa ngonkamisa u-u phambi kwesenzukuthi, ungwaqa u-k lo –g- alotshwe ngebala elikhulu. Kwezinye izenzukuthi kungajotshelelwa u-ka kumbe u-za.
6. Amabizoqho akhomba abantu angamabizombaxa: ikhaya > uSokhaya – (i) khaya > ukhaya > u + So + khaya > uSokhaya; amathemba > uNomathemba – (a) mathemba > umathemba > u + No + mathemba > uNomathemba. La akhiwa ngokususa unkamisa osekuqaleni kwebizo, kuqalwe ngo-u besekusetshenziswa izakhi uSo- kumbe – No.