YiNtatheli kaMthunywa
ABALANDELI bamaqembu eHwange leSheasham bazathi ukuthola ithuba lokubukela amaqembu abo ekhaya nanko inkundla yeBata Stadium leyeColliery asevunyelwe ukuqhuba imidlalo yeligi yeCastle Lager.
Lokhu kutsho ukuba amaqembu la azaphumula ukweboleka inkundla kwezinye indawo.
Isikhulumi seZifa uXolisani Gwesela sibike ukuba ithimba lengcwethi zenkundla ngeviki edluleyo zihlole, zavumela ukuthi inkundla zeColliery leBata ziphathe imidlalo yeCastle Lager Premiership.
Xolisani Gwesela
“Inkundla ye-Colliery Stadium kunye leBata Stadium sezithuthuke sezivunyelwe ukuthi ziphathe imidlalo yePremier Soccer League,” kutsho uGwesela.
Ukuvulwa kwenkundla lezi kuzakwehlisa indleko zamaqembu womabili, nanko abedlalela kunkundla ezikhatshana labalandeli.
IHwange leSheasham ngezinye zamaqembu ayisitshiya galolunye ezigoqela iZPC Kariba, Black Rhinos, Cranborne Bullets, Manica Diamonds, Manica Diamonds, Simba Bhora kunye leGreenfuel esezidlale imidlalo yazo yekhaya kwezinye inkundla.
IHwange isidlale imidlalo yekhaya eLuveve laseBarbourfields kuthi iSheasham isebenzisa iMandava Stadium eZvishavane.