YiNtatheli kaMthunywa
ABALIMI sebenikwe ingqobe yokuphakamisa uhlangothi lwezokulima luye phezulu kusetshenziswa inhlelo zokulima ezisebenzisa ubucwephetshe bakulezinsuku.
UMnumzana Anesu Mapisa onguAgronomist kunkampani yeFarmbuzz Agriculture Solutions, uthe inkundla zokuxhumana zakulezinsuku sezibalulekile kuhlangothi lwezokulima njengendlela yokuthengisa kungakho-ke kuhle ukuthi abalimi babeyingxenye yakho.
“Ukuthengisa ebulenjini kuzakwenza abalimi bakwazi ngempahla yabo, kwehlise imali yokumaketha nanko phela abalimi bayenelisa ukuqonda abathengi babathengisele, kwenza abathengi basuthiseke ngezilimo abazithengayo,” kutsho uMnu Mapisa.
Indlela zokulima zakulezinsuku zisebenzisa impahla eyenza abalimi bathole isikhathi sokuphumula ngasikhathi sinye kutholakala isivuno esiphezulu njalo kulondoloza isikhathi.
“Kulabo abafisa ukuba ngabalimi kanye labalimi abancane, ukulima sokuguqukile, akusadingeki ukuthi besabe ukuba semasimini ngoba laba abenza imitshina bayazama ukwehlisa umthwalo kubalimi,” kuxwaya uMapisa.