MIHLA yonke sixoxa ngezaga ukwakhiwa kwazo, ukusetshenziswa kwazo njalo njalo, sikhuthazana ukuzisebenzisa ekubhaleni ukuze sibhale ngolimi olunambithekayo.
Esikunanzelelayo okunye amaNdebele athatha izenzo lezimo zezinto ezinengi akhe ngazo izaga, amazwi ahlakaniphileyo kanye lezitsho okuyibuchwephetshe bolimi.
Ake utsho ukuthi kulezi izaga lakulezi izitsho kutshiwoni:
Eg: Ikhotha eyikhothayo (inkomo)
Lapha-ke?
1. Zithinywa ngezikudlayo (izini)
2. Emnyama iyawona amathole (ini?)
3. Soyicela ivuthiwe (ini?)
4. Zimbiwe ngulinda (izini?)
5. Ziwadla belindile (amani?)
6. Sigoqwa sisemanzi (isini?)
7. Lembula ingubo lingene (ilini?)
8. Uyinyathele emsileni (ini?)
9. Walutheza olulenkume (uluni?)
10. Zala abantu ziyebantwini (izini?)
11. Olungaziwayo aluthezwa (uluni?)
12. Elibomvu libolile (ilini?)
13. Ungena ngenxeba (njengani?)
14. Kalivikwa (ilini?)
15. Uzawuphemba ungawothi (umuni?)
16. Sikwelingafelwa nkonyane (ilini?)
17. Ithi ingaqhoba ithambo yejayele (ini?)
18. Libalele ngitsho lasebukhweni bezinja (ilini?)