YiNtatheli kaMthunywa
BATHI gqoka ukabhudula wakho qede ufake amazaza ungene emcimbini kaYoung Stunna ozabe useBoundary koBulawayo ngeSonto.
Umculi wodumo usehlanyise abantu ngengoma yakhe ethi Adiwele lezinye azihlabele lezikhokho zomculo weMzansi.
Kulumcimbi wangeSonto obizwa ngokuthi yi-Shorts and Shades, uYoung Stunna ukhangelelwe ukuthi aqhubeke ngegiya lakhe avulele uzulu wakoBulawayo ukuqala kokuzithokozisa umnyaka ungakapheli.
Abaqoqi bomcimbi baveze ukuba banxusa bonke abantu bakoBulawayo ukuthi baze ngobunengi babo.
Bathe inkundla yeBoundary izavulwa ngehola lika-12 emini ukwenzela ukuthi lalabo abafuna ukugida emini bathole ithuba lokujabula.
Abanye abaculi labo DJ abazancedisa babalisa uYoung Stunna nguRyan Synth, DJ Liz, Victor Bravo, Umlungu Omnyama loWellYonz.