‘Adiwele’ koBulawayo. . . uYoung Stunna uthi faka amazaza ujabule

17 Nov, 2022 - 00:11 0 Views
‘Adiwele’ koBulawayo. . . uYoung Stunna uthi faka amazaza ujabule uYoung Stunna

uMthunywa

YiNtatheli kaMthunywa
BATHI gqoka ukabhudula wakho qede ufake amazaza ungene emcimbini kaYoung Stunna ozabe useBoundary koBulawayo ngeSonto.

Umculi wodumo usehlanyise abantu ngengoma yakhe ethi Adiwele lezinye azihlabele lezikhokho zomculo weMzansi.

Kulumcimbi wangeSonto obizwa ngokuthi yi-Shorts and Shades, uYoung Stunna ukhangelelwe ukuthi aqhubeke ngegiya lakhe avulele uzulu wakoBulawayo ukuqala kokuzithokozisa umnyaka ungakapheli.

Abaqoqi bomcimbi baveze  ukuba banxusa bonke abantu bakoBulawayo ukuthi baze ngobunengi babo.

Bathe inkundla yeBoundary izavulwa ngehola lika-12 emini ukwenzela ukuthi lalabo abafuna ukugida emini bathole ithuba lokujabula.

Abanye abaculi labo DJ abazancedisa babalisa uYoung Stunna nguRyan Synth, DJ Liz, Victor Bravo, Umlungu Omnyama loWellYonz.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds