Ziyawa kuNassaf

19 Sep, 2019 - 00:09 0 Views
Ziyawa kuNassaf

uMthunywa

YiNtatheli kaMthunywa

AKUBIZWA ozwayo kumncintiswano wezemidlalo ezikolo zonke zelizwe ezibuthene enkundleni ezitshiyeneyo koBulawayo kuliviki kubangwa imendulo zomkhosi womnyaka oweNational Annual Science Sports and Arts Festival (Nassaf).

Umcimbi lo obuthanisa izikolo zemfundo yaphansi uvulwe ngokusemthethweni izolo njalo abantwana bancintisana kuzigaba ezedlula amatshumi ayisithupha iviki lonke.

Ukuqhutshwa kwemidlalo le kuza kulandela isinqumo sohlelo olutsha lwezemfundo olwaphawulwa nguHulumende kuminyaka edluleyo.

Kusukela kuqala iviki le, izabelo zelizwe zincitisana enkundleni zesikolo seSizane High, Ikhwezi Training Centre laseWhite City.

Indikimba yalonyaka igxile ekuthuthukiseni ithalenta ngaphansi kwe-curriculum entsha.

Kulumkhosi kuphethwe imidlalo leminye imincintiswano ebalisa ukupheka, imbukiso yesayensi, imbali yezamasiko, i-technical graphics, ukwakha lokubaza, ukudweba kanye lokukholisisa uzulu.

Umqondisi wohlelo lweNassaf uNjabulo Bango uthe loba kulezabelo eziphuze ukuza emncintiswaneni, uhlelo lwabo luqhuba kuhle.

“Uhlelo lwethu lwembukiso yeNational Annual Science Sports and Arts Festival, ebizwa ngamafitshane ngokuthi yi-Nassaf luqalile koBulawayo. Izabelo zelizwe zithe gwaqa koNtuthu zimelwe ngamaqembu abantwana besikolo. 

“Sikhangelele ukuthi kubemnandi njalo kube lomncintiswano waphezulu, abantwabethu bebukisa ubungcitshi babo kunhlelo ezitshiyeneyo.

“Okwakhathesi konke kuhamba kuhle. Sikhangelele ukuthi siphethe kungela okuzasiphazamisa kumincintiswano le ehlose ukuphakamisa ithalenta labantwabethu,” kutsho uBango.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds