Ziyavulwa inkundla zokugijima

16 Jan, 2020 - 00:01 0 Views
Ziyavulwa inkundla zokugijima National Athletics Association of Zimbabwe

uMthunywa

Nkosilathi Sibanda

INHLANGANISO ephethe umdlalo wokugijima kuleli eyeNational Athletics Association of Zimbabwe (Naaz) isikhuthaze izikolo ukuthi ziqoqe imincintiswano yokugijima umnyaka wonke ukuze kube lula ukulolonga ithalenta.

Imidlalo yokugijima ezikolo iqhutshwa ngethemu yakuqala yomnyaka, kodwa ngemva kwalokhu akusela imincintiswano eqhutshwayo. I-Naaz ithe lokhu sekumele kutshintshe. 

Ngenxa yokuthi kuncintiswana okwesikhathi esincane, abantwana abalethalenta lokugijima bayehluleka ukuthi baphatheke kweminye imincintiswano engaphandle kwezikolo.

UMkhokheli wenhlanganiso ye-Naaz, uTendai Tagara utshele iphephandaba likazulu ukuthi kuhle ukuba izikolo ziyinsika yokulolongwa kwethalenta kodwa lokho kumele kwenziwe amalanga wonke.

“Izikolo yizo eziyisiqalo sokubonakala kwethalenta kumincintiswano yokugijima. Angeke siyephambili njengelizwe nxa kungela inkundla lemincintiswano yezikolo enjengale eqhutshwa kuthemu lakuqala. 

“Inkuthazo yethu yikuthi ababalisi labaqeqetshi ezikolo bezame ukuthi imincintiswano le iqhutshwe kuze kuyephela umnyaka. Abantwana bengahlala besemdlalweni, kuba lula ukuthi balolonge isiphiwo sabo, benelise ukuncintisa benqobe ngokuphezulu,” kutsho uTagara.

UTagara wengeze ngokuthi limncintiswano yabadala akumelanga yenziwe ngesikhathi sinye.

Uthe lokhu yikho okudala ukuthi amaqembu esizwe ehluleke ukuza lemendulo kumincintiswano efana lama-Olympics, All-Africa Games leminye ephetsheya.

IZimbabwe izathumela ithimu ezakuyancintisa kuma-Olympics alonyaka azaqhutshelwa edolobheni le-Tokyo phakathi komnyaka.

Imijaho emikhulu yembuthano ebalisa amaAll-Africa Games leWorld Championships ibakhona ngesikhathi kuleminye imincintiswano, okuyikhona okwenza abagijimayo balungiselele imidlalo nzima.

UTagara ubike ukuthi uhlelo lwemincintiswano yezemidlalo kuleli okwamanje ayivumeli ukuthi isizwe sithumele amathimu amabili atshiyeneyo.

Uthe kubalulekile ukuthi kuguqulwe ukuqhutshwa komdlalo wokugijima ukuze kubelula ukuncintisana lamanye amazwe. UTagara uthe labajimayo bazathola ithuba lokuyancintisa kumijaho eminengi.

“Amazwe amanengi abhekane lodubo olufanayo. Kubanzima ukuthi sikhethe amathimu amabili ngesikhathi esisodwa, kukanti labagijimayo bayacitshelwa ukuthi bakhethe wuphi umncintiswano.

“lkhansili yezemidlalo eyeAfrica yacetshiswa ukuthi inanzelele ukuthi imincintiswano kumele yehlukaniswe. Loba isikhalazo lesi sezwakala, lakhathesi akulatshintsho,” kutsho uTagara.

Ucine ngokuncoma umsebenzi owenziwa nguSamkeliso Moyo, uNkosiyazi Sibanda, uNgonidzashe Makusha labanye ekukhuthazeni intsha ukuthi ikhwabithe umdlalo wokugijima.

“Nxa kulabagijimayo abalokhe bephakamisa imisebenzi yeNaaz, kutsho ukuba lalabo abasakhulayo bazatshiyelwa ingqobe yokuqhubekela phambili.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds