Ziyakhala kuPirates

05 Sep, 2019 - 00:09 0 Views
Ziyakhala kuPirates URhulani Mokwena

uMthunywa

UMQEQETSHI we-Orlando Pirates uRhulani Mokwena ucele abalandeli beqembu ukuba babekezele njengoba ezakhe ziphinde zalahla imklomelo emdlalweni weligi zidlala ngokulingana leGolden Arrows.

URhulani ucele isikhathi sokulungisa izinto njengoba ezakhe zisahlohle ibhola elilodwa selokhu waqokelwa esikhundleni sikamqeqetshi.

“Kumele sibekezele. Kunengi engikubonileyo kulumdlalo. Engingakutsho yikuthi ngisacela ukunikezwa isikhathi ukuze ngibumbe iqembu kahle. Kunzima ukutshaya amabhola phakathi. Ibhola litshaya amapali ezikhathini ezinengi. Siyafika ebhokisini lezitha kodwa kuzocina kulungile.

Kumele siqhubeke ukusebenza amabhola azafika,” kuchaza uRhulani.
Okuxake kakhulu abanye abalandeli bePirates yisinqumo sikaRhulani sokuthi asebenzise abadlali basesiswini abahlanu uThembinkosi

Lorch, uMusa Nyatama, uSiphesihle Ndlovu, uXola Mlambo, uFortune Makaringe kanye loKabelo Dlamini.
UMokwena uthe abadlali bakhe balalo idlabuzane lokutshintsha isimo kuleliqembu.

“Leli kuseyilo iqembu elakwazi ukulwela isicoco seligi ngesizini edluleyo. Kuseyibo abadlali abacitshe bafinyelela emidlalweni engu-22 bengakaze bahlulwe. Siyabathemba kakhulu futhi bayazi ukuthi siyakholelwa kubo. Sidinga ukunqoba umdlalo owodwa ukuze sizojika izinto,” kuchaza uRhulani.

URhulani uthe ufisa ngabe abadlali bamaqembu esizwe bengasala njengoba esafuna ukusebenza labo ekhefini leFIFA. IPirates izovakatshela iBidvest Wits emdlalweni weligi ngoMpandula 21. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds