uMthunywa
YiNtatheli kaMthunywa
KUNENGI okukhangelelwe kumaqembu amela isizwe kumqhudelwano weCaf Champions League leCaf Confederation Cup iFC Platinum leTriangle.
Izimbamgodi zePlatinum seziphoselwe ingqobe yokuthi zifike kumdlalo we-final ye-Afrika kuChampions League njengalokho okwenziwa yiDynamos ngomnyaka ka-1998.
Womabili amaqembu la alindelwe ngumqanso wokuguqula impumela yokudlala kwamaqembu akuleli kumincintiswano yaphezulu.
Ukwedlulela kwazo kusibanga sesibili semidlalo le kuyisitshengiselo sokuthi inguqu yakuleli isikhula ngobungcitshi kumaqembu aku-PSL.
I-FC Platinum idlulele phambili kulandela ukunqoba 3-2 iqembu leNyasa Big Bullets enkundleni yeBarbourfields ngoMgqibelo. Abafana beTriangle baqedele phezulu kwe-Rukinzo yeBurundi nge 5-0.
Kumidlalo elandelayo yamaqula, iFC Platinum izamelana le-União Desportiva do Songo (UD Songo) ye-Mozambique. I-Triangle izadlala le-
Azam yaseTanzania edlalelwa nguBruce Kangwa.
Zombili lezi inkunzi zenguqu okwamanje, zingena isibanga esilandelayo ngenhloso yokubuyisa udumo lobuciko benguqu yeZimbabwe.
Emdlalweni wayo odluleyo leNyasa Big Bullets, IFC Platinum ibikhanya ukuthi kuzamele iqinise imvimbi zayo ebezibanjwa zilele ngemuva ngabagadli.
Ingcitshi ezadla ubhedu ezibalisa uSteward Murisa loGeorge Shaya ngezinye ezibukele umdlalo lo zabika ukuba iqembu likaNorman Mapeza kumele lilungisise imvimbi zayo nxa lilesifiso sokuya phambili.
Kusenjalo, abalandeli lababukeli bomdlalo edolobheni lakoBulawayo bathabile ngokuzwa ngempumela yamaqembu womabili ngoba kutsho ukuba inkundla yeBarbourfields izaphatha imidlalo eminengi.
