Uncategorized

Zilikhalele isela lema- sontweni . . . Belitshontsha iwayini kanye lomnikelo

07 Jun, 2018 - 00:06 0 Views
Zilikhalele isela lema- sontweni  . . . Belitshontsha iwayini kanye lomnikelo

uMthunywa

Thando Dube
KULENDODA yakoBulawayo emiswe phambi komthethwandaba weWestern commonage isetheswa icala lokutshontsha.

U-Innocent Ncube oleminyaka engu-37 yokuzalwa ohlala eMguza umiswe emthethwandaba esetheswa icala lokugqekeza amasonto.

Umtshutshisi walelicala uMnumzana Kenneth Shava, ubikele inkundla ukuba mhlaka 1 Nkwenkwezi, umetheswacala wangena esontweni yeRoman Catholic eNketa watshontsha impahla ezibiza imali engange $2 700 egoqela ukudla, imitshina esebenzisa amagetsi kanye lamambodlela e-altar wine.

Umetheswacala uphinde wabuyela esontweni efanayo ngoLwesithathu weviki ephelileyo watshontsha izigqoko obekumele ziphiwe abantu abahluphekayo ezibiza $130.

Inkundla njalo izwe ukuthi ngesikhathi esifanayo umetheswacala wagqekeza amasonto agoqela iOneness Pentecostal, eseNketa 6, iSeventh Day Adventist kanye leChrist Ambassadors eNketa watshontsha impahla, amakhompuyutha kanye lokudla.

Umsolwa wabanjwa xhaka ngesikhathi eseba eChrist Ambassadors kodwa wenelisa ukubaleka engakabotshwa ngamapholisa.

Emthethwandaba akuvezwanga ukuthi wabanjwa njani.

Umsolwa uvumile ukuthi wadala amacala la ayisitshiyagalombili okutshontsha.

Umantshi uMnumzana Lungile Ncube unqume ukuthi icala lidluliselwe phambili umetheswacala evalelwe esitokisini.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds