Zibangisana indawo ku-pool

09 May, 2019 - 00:05 0 Views
Zibangisana indawo ku-pool UFarai Nyandoro

uMthunywa

Nkosilathi Sibanda

ZIBANGISANA indawo yokuba yingxenye yeqembu lesizwe intshantshu zomdlalo we-pool kulimpelaviki enkundleni yeRaylton koBulawayo.

Kubikwa kuzadibana bonke abadlali abakuzinga eliphezulu kudingwa ihlekana elizamela isizwe kweleSouth Africa kumncintiswano we-All Africa Pool Association.

Abadlali beZimbabwe bayahlonitshwa kumdlalo we-pool njalo isizwe sake saqhuba lumncintiswano ngesizini yomnyaka ka-2017 ngaphansi kweZimbabwe Pool Association.

Inhlanganiso yeBulawayo Pool Association ibike ukuba kuzadibana abadlali abedlula amatshumi amathathu lambili kumdlalo we-pool azangena umango eqonde umncintiswano omkhulu we-All Africa Pool Association (AAPA) ozaqhutshelwa eSouth Africa.

UFarai Nyandoro, isikhulumi seBPA ubikele iphephandaba likazulu ukuba benza kwamalungiselelo okulolonga iqula labadlali babo abazamela isizwe.

Umbiko ophuma kuNyandoro umumethe ukuba ngenyanga edluleyo isabelo sabo saqoqa umncintiswano wokudinga abadlali abalungele ukuyancintisa.

Uthe abadlali laba sebebalelwa kuqembu elibizwa ngokuthi yiFish Eagles.

“Sesilabo  abadlali abazadlala kumncintiswano we-All Africa Pool Association kulinyanga. Kuzakhethwa abadlali abathenjiweyo, abazaphiwa ithemba lokunqoba kulandela ukuhlaziya kakhulukazi isimo sabadlali abanengi. Kudingwa labo abazafika bencintise ngokuphezulu kwele-South Africa,” kutsho uNyandoro.

Wengeze ngokuncoma izinga lobuciko babadlali abathile okubikwa bangene lula eqenjini ngoba belembali emangalisayo yokuthwebula amabhola etafuleni.

“Abadlali abenza kuhle kumele bakhuthazwe. Siyabancoma abadlali abaqhubeka besenza kuhle.”

Umdlalo we-pool usukhula ngodumo kuleli. Sekulabanye abafisa ukuthi lumdlalo ufundiswe lasezikolo ukuze kulolongwe ithalenta kwabasakhulayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds