‘Xola’ kutsho uJeys Marabini

17 Nov, 2022 - 00:11 0 Views
‘Xola’ kutsho uJeys Marabini uJeys Marabini

uMthunywa

Nkosilathi Sibanda
LOBA ungaze ubhekane lobunzima obunganani, funda ukuthi inhliziyo yakho ithole ukuthula ngokuxola, uqhubeke ngempilo yakho.

La ngamazwi kaJeys Marabini.

Umculi wakoBulawayo lo uveza amazwi akhe kudlalade lakhe letshumi elithiwa Xola azalethulela uzulu ngeviki ezayo eBulawayo Theatre.

UMarabini useveze ukuba lelidlalade limumethe ingoma ezizathinta inengi ngoba ligxile kukho konke okubalulekileyo empilweni.

Uthe upheke ingoma ezilitshumi esebenza labahlabeleli bakuleli ababalisa uTariro Negitare lequla lomculo wembube Amaqaqa.

Umfanekiso lo uthethwe kuShutterstock

Ekhuluma lentatheli kaMthunywa uMarabini uthe ubonga uNkulunkulu ngesipho sempilo langethuba lokuthi apheke njalo elinye idlalade. Umculi lo, elungiselela idlalade lakhe ubesanda kuphuma ezandleni zabodokotela ngoba uhlale isikhathi eside ephathekile emzimbeni.

Kudlalade leli kulengoma ezithi Skin Colour, Jazi, Ithemba ezikhangelelwe ukuthi zivuthe emsakazweni eminengi.

Ubike ukuba konke sekulungele ukusungulwa kwedlalade.

“Amalungiselelo asezingeni eliphezulu kakhulu njalo sikhangelele ukuthi inkundla izavutha ngakho abantu abaze ngobunengi,” kutsho uMarabini.

“Ngitshaya umculo kaJeys Marabini eliwaziyo lonke. Ingoma zonke ezikudlalade zimnandi kakhulu.

Ngilibize ngalithi Xola, lilengoma ezithi Skin Colour, lapho engikhuthaza khona ngabantu ukuthi bangehlukanisani ngembala yesikhumba sabo ngoba singabantu banye.

“Ngokugcweleyo, zonke ingoma zikhuluma ngempilo, ukubekezela, ukuziqoqa, inhlonipho ikakhulu ukwesaba lokukhonza uSomandla. Mina ngibonga uNkulunkulu ngokungifikisa kuleli ibanga lomsebenzi wami. Lidlalade lami letshumi leli, ngiyakubongela lokhu.”

UMarabini uthe abalandeli bomculo wakhe banxuswe ngobunengi babo ukuthi bazomsekela ngokuthenga amaCD, amaUSB lokunye okuphathelane lomculo wakhe.

Amakhosi Theatre

“Ngibonga uluNtu lonke olungiphathise kulumsebenzi. Ngithi wozani lonke mhlaka 26 Lwezi eBulawayo Theatre sizokholisa idlalade elitsha.Ngibonga kakhulu abantu bakoBulawayo kanye labalandeli bami, kuthiwa umuntu ngumuntu ngabantu ngakho kungayisibo ngabe kangizange ngiphumelele,” kutsho uMarabini.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds