Uncategorized

Xhaka ezama ukucaba abangane bakhe nge-razor

04 Apr, 2019 - 00:04 0 Views
Xhaka ezama ukucaba  abangane bakhe nge-razor UBrain “BeeLee” Nkomo

uMthunywa

YiNtatheli

KULENDODA yelokitshini leCowdray Park koBulawayo ebanjwe izama ukucaba abangane bayo ababili ngemva kokuba ibanike amakhekhe alezidakamizwa okwenze balala obukaBhuka. 

Indoda le, uBrain “BeeLee” Nkomo kucatshangelwa ukuba ubefuna ukucaba uWarren Ngwenya (23) loDoreen Ncube (23) kanye loMandla okungasatholakalanga isibongo sakhe abahlala elokitshini lePumula South.  

Kubikwa uNkomo wathi evakatshelwe ngabangane bakhe mhlaka 19 Mbimbitho wabanika amakhekhe ayefakwe izidakamizwa okwabangela ukuthi bajumeke.

Ekhuluma lentatheli kaMthunywa uNgwenya ubikele iphephandaba likazulu ukuthi njengenhlalayenza bavakatshela umngane wabo uNkomo olisotsha besiyazilibazisa.

“UBrain ngumngane wethu besesikujayela ukuthi siyahamba eCowdray Park lapha ahlala khona siyokwejisa, ngalelolanga sathi sifika yena wayesithi uya edolobheni ukuyakwenza into ezimbalwa wasitshiya endlini esithi usibhakele ikhekhe njengabangane bakhe.”

“Ngokumethemba umngane wethu asizange salisola lelokhekhe elalenziwe ngezidakamizwa okwabangela ukuthi siqeda kulidla siphelelwe ngamandla saphaphama ngo-10 sesivuswa ngomunye umngane wethu laye owayesejumekile uMandla esephaphame wabamba uNkomo xhaka esefuna ukungicaba ethwele i-razor,” kuchaza uNgwenya.

UMthunywa uphinde waxoxa loNkszn Ncube yena ovumileyo ukuba kuliqiniso lokho njalo lokuthi balemilayezo ekuWhatsApp lapho uNkomo axolisa khona ukuthi indaba le bengayidluliseli phambili. 

“Kuliqiniso ukuba uNkomo wasibiza ngakibo njalo wasebenzisa izidakamizwa ukuze asilalise ngoba efuna ukusicaba. Sathi sesiphunyukile sabaleka ebusuku ngabo 10 ngemva kokuvuswa nguMandla uNkomo waqala ukuthumela imilayezo kuWhatsApp yokuthi singayikhulumi indaba le njalo uyaxolisa,” kuveza uNkszn Ncube.

Iphephandaba likazulu libuye njalo lathinta uNkomo walandula konke okukhulunywa ngabangane bakhe saze samazisa ukuba silencwajana zakhe ayezithumela kuWhatsApp.

“Mina lokhu okukhulumayo angazi lutho ngakho njalo angikhonzi Sathane mina. Abantu okhuluma ngabo angibazi ngoba mina ngihlala eCowdray Park.

‘‘Ákwenzi na ukuthi sihlangane ubuye labo laba abantu ngoba indaba le ingangiphambanisela umsebenzi wami,” kuphetha uNkomo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds