‘Vulani amabhizimusi’

24 Aug, 2023 - 00:08 0 Views
‘Vulani amabhizimusi’ uNelson Ndeka

uMthunywa

Nkosilathi Sibanda

AMAQEMBU ezemidlalo asekhuthazwe ukuthi aqinele ukuvusa amabhizimusi ngokuvula izitolo zempahla yemidlalo etshiyeneyo ukuze enelise ukuthola imali engakhulisa inhlelo zawo.

Lokhu kuvezwe ngumqondisi wakolitshi le-Ponel Youth Soccer Academy, uNelson Ndeka ngesikhathi esethula impahla entsha ezathengiswa yileliqembu.

Kuliviki, ikolitshi leli elitholakala esiqintini seDete, esabelweni seMatabeleland North, lethule imihlobo yempahla yomdlalo wenguqu etshiyeneyo ebalisa izikipa, amabhulugwa, ingowane, amakepesi, amajesi lokunye okusetshenziswa ngabadlali labathandi bomdlalo.

Esabelweni seMatabeland North, iPonel Youth Soccer Academy likolitshi elikhulu lakuqala ukuvula isitolo esithengisa impahla yenguqu edindwe ibizo layo. Kuyisiqalo esibonakale njengesibonelo sokuthi amaqembu enguqu ayenelisa ukuqhuba inhlelo ngokwenza amabhizimusi.

Ukusungulwa kwebhizimusi elinje, sekujwayelekile kwamanye amazwe avele ephambili kwezemidlalo.

Ngokutsho kukaNdeka, iPonel Youth Soccer Academy ithethe inyathelo lokuthi livule ibhizimusi lempahla le lihlose ukuthi liqogelele imali ezasetshenziswa kwezinye inhlelo ekolitshini.

UNdeka uthe impahla le izathengiswa eDete, Hwange, Lupane, Folosi lakoBulawayo.

“Kulandela ukusungulwa kwekolitshi lethu lokufundisa inguqu, sinanzelele ukuthi angeke senelise ukufeza iphupho lethu ngaphandle kokuthi siqalise ibhizimusi elithile.

“Sahlala phansi, sacubungula ingqondo, sajulisisa ukuthi kumele sivule isitolo sokuthengisa impahla yemidlalo edindwe ibizo lethu. Khathesi siphezulu kokuthi sisabalale sifinyelele indawo ezibalisa iHwange, koBulawayo, eLupane laseFolosi,” kutsho uNdeka ekhuluma lentatheli eseDete ngoLwesibili.

Uthe lokhe bavula isitolo esincinyane eDete, sebethole ukuba kulabantu abanengi abakhwabitha impahla yabo.

“Kunyanga ezedluleyo sikhange amehlo omphakathi kulindawo.Abantu baza ngobunengi babo befuna ukusixhasa. Siyabonga ngalokhu.”

UTshuma wayengunozinti weqembu leHwange FC.

Ukwanda kwabadlali ababhalisa ukuba yingxenye yaleliqembu kuza ngesikhathi isikolo lesi sivule isitolo sempahla yenguqu ngenjongo yokukhankasela ibizo laso ilizwe lonke.

Kubikwa inengi labazali abahlala endaweni ezitshiyeneyo ezibalisa iDete, iBinga, Hwange le-Folosi sebenikeze iPonel Youth Soccer Academy umlandu wokuthi ifundise abantwababo unobhutshuzwayo.

UNdeka wazise ukuba umkhankaso wokukhulisa igama labo usubanike igunya lokuthi benze ngcono.

“I-Academy yethu iyakhula ngokwanda kwabadlali abasakhulayo abafuna ukuba yingxenye yethu. Umqondo wethu ubanzi njalo uyacaca.

Ukuphatheka kubhizimusi lempahla kusikhuthaze ukuthi sidinge imali.”

Kusenjalo, uNdeka uthe balokuthaba ekuthini sebesebenzelana lengcitshi yomdlali wenguqu u-Isaac Tshuma, ongumqeqetshi wabonozinti.

Share This:

Sponsored Links

Survey


We value your opinion! Take a moment to complete our survey

This will close in 20 seconds