Vikelani izilimo zenu ezibungwini lakumikhuhlane

16 May, 2019 - 00:05 0 Views
Vikelani izilimo  zenu ezibungwini lakumikhuhlane

uMthunywa

Bongani Ndlovu

INHLANGANISO yeCoopers Animal Health isikhuthaze abalimi ukuba basebenzise iShumba Plus ukuze benelise ukuvikela izilimo zabo ezibungwini kanye lakumikhuhlane ngenhloso yokuthuthukisa inzuzo emasimini.

Ekhuluma lephephandaba likazulu omunye wezisebenzi zeCoopers Animal Health uMnumzana Marvin Musanzika uthe kuqakathekile ukuba abalimi basebenzise iShumba Plus nxa bevikela izilimo zabo ngoba ingumanqoba.

“Kuqakathekile ukuba abalimi basebenzise iShumba Plus ukuvikela izilimo zabo ezifana lomumbu, indumba, inyawuthi lamabele ezibungwini ezifana lama-stalk borer kanye lemikhuhlane ebangela ukuba kwehle inzuzo kumbe kuphambaniseke ubunandi besilimo nxa sesihlaselwe ngumkhuhlane,” kuveza uMnu Masanzika.

Uqhubekele phambili waveza ukuba iShumba Plus isasengumuthi omutsha ezitolo njalo iyasiza ukuthuthukisa inzuzo yomlimi ensimini.

“IShumba Plus ingumuthi olwisana lezibungu, izinanakazana lemikhuhlane ehlasela izilimo ukuze abalimi bengalahlekelwa yingxenye yenzuzo yabo ngoba sekutshiswe izinanakazana lemikhuhlane njalo nxa ungafaka iShumba iyahlala okomunyaka ogcweleyo ivikela izilimo zakho ezibungwini lemikhuhlaneni,” kuchasisa uMnu Musanzika.

Ugcizelele waveza ukuthi ubuhle bomuthi lo yikuthi uyahlala isikhathi ngoba ungeke uwusebenzise wonke kanye njalo ilakho lokubulala izibungu zendlini.

“Kuqakathekile ukuthi abalimi babe lomuthi lo ngoba i25 grams iyenelisa ukufakwa emasakeni angu-8 omumbu ukuze ungaphehlwa okwenyanga ezingu-12.

“Umuthi lo ulakho njalo ukubulala ubunyonyo, amawuwu kanye lempukane endlini,” kuveza uMnu Masanzika.

Share This:

Sponsored Links